1 கிலோ கேக்கிற்க்கு 1 லிட்டர் பெட்ரோல் இலவசம் - வாடிக்கையாளர்களை கவரும் திருச்சி பேக்கரி
திருச்சியில் புதிதாக திறக்கப்பட்டுள்ள பேக்கரி கடையில் வாடிக்கையாளர்களை கவரும் விதம் வித்தியாசமான சலுகையை அறிவித்துள்ளது. திருச்சி நீதிமன்றம் அருகே உள்ள ஹீபர் ரோட்டில் கேக் எக்ஸ்பிரஸ் என்ற பெயரில் பேக்கரி புதிதாக திறக்கப்பட்டுள்ளது. இந்நிலையில் இங்கு தயார் செய்து விற்கப்படும் கேக்குகள் 600 ரூபாயிலிருந்து 1200 ரூபாய் வரை விற்பனை செய்யப்படுகிறது . பல விதமான, பலவகையான கேக்குகள் தயாரிக்கபட்டு விற்பனைக்கு உள்ளன.
ஒரு கிலோ கேக் வாங்கும் வாடிக்கையாளர்களுக்கு ஒரு லிட்டர் பெட்ரோல் இலவசமாக வழங்கப்படுகிறது. கேக் வாங்கி கூப்பனை பெற்றுக்கொண்டு குறிப்பிட்ட பெட்ரோல் நிலையத்திற்கு சென்று அந்த கூப்பனை கொடுத்து ஒரு லிட்டர் பெட்ரோலை பெற்றுக்கொள்ளலாம்.
இச்சலுகை குறித்து பேக்கரி உரிமையாளர் சகாயராஜ் குறிப்பிடும்பொழுது இந்த சலுகை வாடிக்கையாளர் மத்தியில் பெரும் வரவேற்பை பெற்றுள்ளது. வாடிக்கையாளர்களிடம் ஆச்சர்யத்தையும் ஏற்படுத்தி உள்ளது.
ஒரு கிலோ கேக் வாங்கினால் ஒரு லிட்டர் பெட்ரோல் இலவசம் என்பது வாடிக்கையாளர்களுக்கு பயனுள்ளதாக இருக்கும் மற்ற இலவசங்களை வழங்கினால் அவர்களுக்கு பெரிய அளவில் பயன் இருக்காது. தற்போது பெட்ரோல் விலை அதிகரித்து வரும் சூழ்நிலையில் வாடிக்கையாளர்களை கவர்வதற்கான இது ஒரு சூசகமான வழி என்பதையும் தெரிவித்தார். இச்சலுகை ஒரு மாதம் உள்ளது என்றார்.
மேலும் இதற்கு முன்பு ஒரு கிலோ கேக் வாங்கினால் குடை ஒன்று இலவசம் என்பதையும் அறிவித்திருந்தோம் என குறிப்பிட்டார் .இந்த பேக்கரி கடையின் ஒரு பெட்ரோல் இலவச அறிவிப்பு வாகன ஓட்டிகள் மத்தியில் பெரும் மகிழ்ச்சியை ஏற்படுத்தியுள்ளது.
திருச்சி விஷன் செய்திகளை வாட்ஸ்அப் வழி அறிய!
https://chat.whatsapp.com/LQQVzK3j420HuvITMlwYIH
https://chat.whatsapp.com/LQQVzK3j420HuvITMlwYIH
