வங்கக்கடலில் உருவாகியுள்ள காற்றழுத்த தாழ்வு மண்டலம் காரணமாக டெல்டா மாவட்டங்கள் முழுவதும் இரண்டு நாட்கள் மழை பெய்யும் என வானிலை ஆய்வு மையம் தெரிவித்திருந்தது அதன்படி இன்று காலை முதல் நாகை திருவாரூர் தஞ்சாவூர் உள்ளிட்ட டெல்டா மாவட்டங்களிலும் வட மாவட்டங்களிலும் சென்னையிலும் மழை பெய்து வருகிறது.

அந்த வகையில் திருச்சியிலும் காலை முதல் அவ்வப்போது லேசான சாரல் மழை பெய்த நிலையில் அதிகாலை 5 மணிக்கு மேல் திருச்சி மாவட்டம் முழுவதும் மழை பெய்து வருகிறது, குறிப்பாக உறையூர், தில்லைநகர், தென்னூர், மத்திய பேருந்து நிலையம், கன்டோன்மென்ட், டிவிஎஸ் டோல்கேட், மண்ணச்சநல்லூர் முசிறி, துறையூர் உள்ளிட்ட பல்வேறு பகுதிகளில் மிதமான மழை பெய்து வருகிறது.

தமிழகத்தில் தொடர் மழை காரணமாக திருவள்ளூர் விழுப்புரம் தஞ்சாவூர் திருவாரூர் கடலூர் மயிலாடுதுறை நாகை ஆகிய மாவட்டங்களில் நேற்று விடுமுறை அறிவிக்கப்பட்டிருந்தது. இந்நிலையில் திருச்சியில் உள்ள பள்ளி கல்லூரிகளுக்கு இன்று ஒரு நாள் மட்டும் விடுமுறை அறிவித்து மாவட்ட ஆட்சியர் உத்தரவிட்டுள்ளார்.

#திருச்சி விஷன் செய்திகளை வாட்ஸ் அப் மூலம் அறிய... https://chat.whatsapp.com/Ge0RgD7SIGiHznfNQgIidr

#டெலிகிராம் மூலமும் அறிய.... https://t.me/trichyvision

https://www.threads.net/@trichy_vision