திருச்சியில் 26ம் தேதி பாலின வேறுபாடு குறித்த விழிப்புணர்வு நிகழ்ச்சி

நிறங்கள் டிரஸ்ட் மற்றும் திருச்சி பூமி அறக்கட்டளை இணைந்து பாலின வேறுபாடு குறித்த விழிப்புணர்வு நிகழ்ச்சியை வரும் 26.12.2021-ம் தேதி அன்று நடத்த உள்ளனர். தில்லைநகர் 11 கிராஸ் பிளேஸ் டான்ஸ் ஸ்டூடியோவில் நிகழ்ச்சி நடைபெற உள்ளது.

இந்நிகழ்ச்சியின் மூலம் பாலின வேறுபாடு குறித்தும் அவர்களுக்கான அங்கீகாரம் குறித்து கலந்துரையாட பட இருக்கிறது. மேலும் ஓரின சேர்க்கை குழு உறுப்பினர்களோடு விரிவாக கலந்துரையாடல் நிகழ்ச்சியும் நடைபெற உள்ளது. பூமி அறக்கட்டளையின் தன்னார்வலர் மற்றும் நிகழ்ச்சி ஒருங்கிணைப்பாளர் தீபக் ராஜ் கூறுகையில்,

இந்நிகழ்ச்சியின் மூலம் மக்களுக்கு பாலின வேறுபாடு குறித்த விழிப்புணர்வையும் அதனுடைய முக்கியத்துவத்தை புரிந்து கொள்வதற்கான அவசியத்தைக் குறித்து நிகழ்ச்சி ஏற்பாடு செய்யப்பட்டுள்ளது. அதுமட்டுமின்றி ஒரின சேர்க்கையாளர் குறித்த இந்த சமூகத்தில் ஏற்பட வேண்டிய மாற்றங்கள் குறித்தும் விழிப்புணர்வு ஏற்படுத்தும் வகையில் இந்நிகழ்ச்சி அமையும் என்றும் கூறினார்.