முதல்வரின் முகவரி செயலி 6 நாட்களாக செயலிழப்பு – பொதுமக்கள் அவதி

தமிழக அரசின் முதல்வரின் முகவரி துறை செயலி செயல்படவில்லை
“TN CM Helpline Citizen” APP is not working

கடந்த ஆறு ஏழு நாட்களாக முதல்வரின் முகவரி துறை மூலம் செயல்படுத்தப்படும் TN CM Helpline Citizen என்ற செயலி மொபைல் போனில் செயல்படவில்லை. இதனால் பொதுமக்களும் சமூக ஆர்வலர்களும் மிகுந்த இடைஞ்சலுக்கு உள்ளாகி உள்ளனர்.தமிழக அரசால் முதல்வரின் முகவரி துறை மூலம் செயல்படுத்தப்பட்டு, கண்காணிக்கப்பட்டு வரும் மிகவும் உபயோகமான ஏழைகளுக்கும் பொது மக்களுக்கும் தமது கோரிக்கைகளை தெரிவித்து 30 நாளுக்குள் தீர்வு கொடுத்து வந்த முதல்வரின் முகவரி துறை செயலி மொபைல் போனில் செயல்படவில்லை.

தற்பொழுது பொதுமக்களும் சமூக ஆர்வலர்களும் தமிழ்நாடு முதலமைச்சரின் உதவி மையத்தை 1100 என்ற தொலைபேசி எண்ணில் அழைத்தோ அல்லது வலைதளம் மூலமோ தங்களது கோரிக்கையை முதல்வரின் முகவரி துறைக்கு சமர்ப்பித்து வருகின்றனர்.

இது சம்பந்தமாக பலமுறை முதல்வரின் முகவரி துறைக்கு 1100 என்ற தொலைபேசி எண்ணில் தகவல் தெரிவிக்கப்பட்டுள்ளது. விரைவில் நடவடிக்கை எடுக்கப்படும் என்று சொல்கிறார்கள். ஆனால் இன்று வரை நடவடிக்கை எடுக்கவில்லை.ஆகவே விரைந்து இந்த குறையை சரி செய்து தருமாறு பொதுமக்களும் சமூக ஆர்வலர்களும் கோரிக்கை வைக்கின்றனர்.