மறைந்த தவெக நிர்வாகிகளுக்கு அஞ்சலி செலுத்திய நிர்வாகிகள் மற்றும் நண்பர்கள்

கடந்த மாதம் 27 ஆம் தேதி நடிகர் விஜயின் தமிழக வெற்றிக் கழகம் முதல் மாநாடு நடைபெற்றது. இதில் பங்கேற்பதற்காக திருச்சி தெற்கு மாவட்ட தமிழக வெற்றிக் கழக இளைஞர் அணி தலைவர் VL.சீனிவாசன் தலைமையில் 2000 ஆயிரத்திற்கு மேற்பட்டோர் மாநாட்டிற்கு சென்றனர்.

இந்நிலையில் துரதிஷ்ட வசமாக VL சீனிவாசன் சென்ற கார் விபத்துக்குள்ளாகி VL சீனிவாசன் மற்றும் திருச்சி தெற்கு மாவட்ட துணை தலைவர் உறையூர் கலை ஆகியோர் சம்பவ இடத்திலேயே உயிரிழந்தனர். வர்களுக்கு அஞ்சலி செலுத்தும் நிகழ்வு பாலக்கரை சேங்குலம் காலணி பகுதியில் நடைபெற்றது.

இந்நிகழ்வில் தவெக தொண்டர்கள், நண்பர்கள் ஆகியோர் கருப்பு உடை அணிந்து VL சீனிவாசன் மற்றும் கலை அவர்களில் புகைப்படத்துக்கு மாலை அணிவித்து மலர் தூவி மரியாதை செலுத்தினர். தொடர்ந்து அவர்களில் ஆன்மா சாந்தியடைய ஒரு நிமிடம் மெளன அஞ்சலி செலுத்தி வீர வணக்கம் செலுத்தப்பட்டது.

மேலும் விஜய் விலையில்லா விருந்தகம் சார்பாக திருச்சி பாலக்கரை செங்குலம் காலணி பகுதியில் உள்ள பொதுமக்களுக்கு அன்னதானம் வழங்கப்பட்டது. இதில் அஞ்சலி நிகழ்வில் திருச்சி மாவட்ட பொறுப்பாளர் கரிகாலன் , மாவட்ட நிர்வாகி தர்கா சௌகத் மற்றும் தவெக நிர்வாகிகள் பலர் கலந்துகொண்டு அஞ்சலி செலுத்தினர்.