நாய்கள் தாக்கும் போது தப்பிப்பது எப்படி? அரசு கால்நடை மருத்துவர் டாக்டர் எஸ். கணேஷ்குமார் அலுவலரின் விழிப்புணர்வு கட்டுரை

அரசு கால்நடை மருத்துவ அலுவலர்
நமது தெருக்கள், பள்ளி வளாகங்கள், பூங்காக்கள் மற்றும் பொதுமக்கள் கூடும் இடங்களில் நாய்களை சந்திப்பது இன்று ஒரு சாதாரண நிகழ்வாகி விட்டது. பெரும்பாலான நேரங்களில் நாய்கள் திடீரென தாக்குதல் நடத்துவதற்கான காரணம் பசி, பயம், வலி அல்லது தற்காப்பு உணர்வு ஆகும். மனிதர்கள் சரியான முறையில் நடந்துகொண்டால், இத்தகைய ஆபத்தான சூழ்நிலைகளை பெரும்பாலும் தவிர்க்க முடியும். குறிப்பாக பள்ளி மாணவர்கள், முதியவர்கள் மற்றும் பொதுமக்கள் இந்த அடிப்படை பாதுகாப்பு வழிமுறைகளை அறிந்து கொள்ளுதல் மிக அவசியம்.
நாய் ஆக்கிரமிப்பு மனநிலையில் அருகில் வந்தால் அமைதியே முதன்மை பாதுகாப்பு
நாய் கோபமாக அல்லது சந்தேகமாக அருகில் வந்தால் முதலில் செய்ய வேண்டியது அமைதியாக இருப்பது தான்.

கத்த வேண்டாம்,ஓட வேண்டாம்,கைகளை திடீரென அசைக்க வேண்டாம்,திடீர் அசைவுகள் நாயின் துரத்தும் அல்லது கடிக்கும் இயல்பை தூண்டும்.
நேரடி பார்வையை தவிர்க்கவும்,நாயின் கண்களை நேரடியாக ஊர்ந்து பார்க்க வேண்டாம்.நேரடி பார்வை நாய்களுக்கு சவால் என தோன்றும்.பக்கமாக அல்லது கீழே பார்ப்பது பாதுகாப்பானது.நாயை ஓரமாக கவனித்துக் கொள்ளுங்கள்.
“மரம் போல” அசையாமல் நிற்கவும்
இந்த முறையை பள்ளி மாணவர்கள் அவசியம் கற்றுக்கொள்ள வேண்டும்.
கால்களை ஒன்றாக சேர்த்து நிற்கவும்.
கைகளை உடலுக்கு அருகில் அல்லது மடக்கி வைத்துக்கொள்ளவும்.
தாடையை சற்று குனியவும்.
நாய் விலகும் வரை அசையாமல் இருங்கள்.
நாய் மிகவும் அருகில் வந்தால்
உறுதியான ஆனால் அமைதியான குரல் பயன்படுத்தவும்.

அழுகையோ, அலறலோ வேண்டாம்.
தெளிவாகவும் உறுதியுடனும் சொல்லலாம்:“வேண்டாம்”,“போ” ,“நில்”
பாதுகாப்பு தடையை உருவாக்குங்கள்
உங்களுக்கும் நாய்க்கும் இடையில் ஒரு பொருளை வைத்துக்கொள்ளலாம்:
கைப்பை,குடை, குச்சி,தண்ணீர் பாட்டில்
இது பாதுகாப்பு தடையாக மட்டுமே — ஆயுதமாக அல்ல.

நாய் தாக்க முயன்றால்
முக்கிய உடல் பகுதிகளை பாதுகாக்கவும்: முகம், கழுத்து, காதுகள்.
உடலை சற்று பக்கமாக திருப்பிக் கொள்ளுங்கள்.
கீழே விழுந்தால் முழங்கால்களை மார்புடன் சேர்த்து, கைகளை காதுகள் மற்றும் கழுத்தின் மீது வைத்து சுருண்டு படுத்துக்கொள்ளுங்கள்.உதவி வரும் வரை அசையாமல் இருங்கள்.தவிர்க்க முடியாத சூழ்நிலை அல்லாமல் நாயுடன் சண்டையிட வேண்டாம்.

நடக்கும் போது அல்லது சைக்கிளில் செல்லும் போது ஓட வேண்டாம்: ஓடுவது நாயின் துரத்தும் உணர்வை தூண்டும்.மெதுவாகவும் அமைதியாகவும் நகருங்கள்.சைக்கிள் ஓட்டுநர்கள்: உடனே சைக்கிளை நிறுத்துங்கள். சைக்கிளை உங்களுக்கும் நாய்க்கும் இடையில் வைத்துக்கொள்ளுங்கள்.நாய் கடித்தால்
சிறிய சுரண்டல் கூட அலட்சியப்படுத்த வேண்டாம்.
உடனடி முதலுதவி: சோப்பு மற்றும் ஓடும் நீரில் 15 நிமிடம் நன்றாக கழுவவும்.ஆன்டிசெப்டிக்: (பெட்டடைன் / அயோடின்) தடவவும்.உடனே மருத்துவமனைக்கு செல்லுங்கள். ரேபிஸ் தடுப்பூசி (ARV) உயிர்காக்கும்;பார்க்கலாம் என்று தாமதிக்க வேண்டாம்.செய்யக்கூடாதவை
கல் எறிய வேண்டாம்.

தேவையின்றி அடிக்க வேண்டாம்.நாய்களை கிண்டல் செய்ய வேண்டாம்.சின்ன நாய் கடிக்காது என்று நினைக்க வேண்டாம்.
முக்கியமாக நினைவில் கொள்ளுங்கள்
பெரும்பாலான நாய் கடிகள் பயம் அல்லது தற்காப்பு காரணமாகவே.
அமைதியான நடத்தை ஆபத்தை பெரிதும் குறைக்கும்.குழந்தைகள் மற்றும் முதியவர்கள் கூடுதல் கவனத்துடன் இருக்க வேண்டும்.
விழிப்புணர்வுடன் நடந்துகொண்டால், நாய் தாக்குதல் சம்பவங்களை பெருமளவில் தவிர்க்க முடியும்.
பாதுகாப்பான சமூகம் உருவாக்குவது – அனைவரின் பொறுப்பு.

திருச்சி விஷன் செய்திகளை வாட்ஸ் அப் மூலம் அறிய…
https://chat.whatsapp.com/D2QYeuCTbUyCt93oWlOAgF

டெலிகிராம் மூலமும் அறிய….

https://t.me/trichyvision https://www.threads.net/@trichy_vision