மதிமுக பொதுச்செயலாளர் நடைபயணமும் அரசியல் திருப்பங்களும்

திராவிட இயக்கத்தின் நீண்டகால அரசியல் வரலாறையும், சமூக நீதி, சமத்துவம், சுயமரியாதை போன்ற அடிப்படை கொள்கைகளையும் பொதுமக்களிடையே மீண்டும் வலியுறுத்தும் வகையில் ஜனவரி 02 முதல் 12 வரை திராவிட இயக்கப் போர்வாள் வைகோ அவர்கள் மேற்கொள்ளும் “சமத்துவ நடைப்பயணம்” திருச்சி முதல் மதுரை வரை முன்னெடுக்கப்படுகிறது.

1986: 1-ஆவது நடைபயணம் மகரநெடுங்குழைநாதர் ஆலய கொள்ளை நகைகளை மீட்க தென்திருப்பேரை முதல் திருநெல்வேலி வரை

1994: 2-ஆவது நடைபயணம் மறுமலர்ச்சி திமுக எழுச்சிப் பெற குமரி முதல் சென்னை வரை

1996: 3-ஆவது நடைபயணம் காவிரி உரிமை மீட்க பூம்புகார் முதல் கல்லணை வரை

1997: 4-ஆவது நடைபயணம் ஸ்டெர்லைட் நச்சு ஆலையை மூட விழிப்புணர்வு ஏற்படுத்த ‌‌ஸ்ரீவைகுண்டம் முதல் தூத்துக்குடி வரை

2004: 5-ஆவது நடைபயணம் தென்னக நதிநீர் இணைப்பக்காக நெல்லை முதல் சென்னை வரை

2006: 6-ஆவது நடைபயணம் முல்லை பெரியாறு அணையின் ஐ பாதுகாக்க மதுரை முதல் கூடலூர்

2012: 7-ஆவது நடைபயணம் முழு மதுவிலக்கை வலியுறுத்தி உவரி முதல் மதுரை வரை

2013: 8ஆவது முழு மதுவிலக்கை வலியுறுத்தி கோவளம் முதல் மறைமலைநகர் வரை, 9-ஆவது முழு மதுவிலக்கை வலியுறுத்தி பொள்ளாச்சி முதல் ஈரோடு வரை

2018: 10-ஆவது நியூட்ரினோ திட்டத்திற்கு எதிராக விழிப்புணர்வு ஏற்படுத்த மதுரை முதல் கம்பம் வரை ஆகிய ஆண்டுகளில் சமூகநீதி மற்றும் சமத்துவம் சார்ந்த பல்வேறு அரசியல் நிகழ்வுகள், போராட்டங்கள் மற்றும் முடிவுகள் இந்த நடைப்பயணத்தில் நினைவுகூரப்படுகின்றன.
தமிழ்நாட்டில் திராவிட இயக்க அரசியல் பயணம் எவ்வாறு வளர்ச்சி பெற்றது என்பதையும், அந்தப் பயணத்தில் மக்கள் பெற்ற உரிமைகள், சமூக முன்னேற்றங்கள் ஆகியவற்றையும் இந்த நடைப்பயணம் பொதுமக்களுக்கு எடுத்துச் சொல்கிறது.

இந்த சமத்துவ நடைப்பயணம், சமூக சமத்துவம் என்பது அரசியல் கோஷமாக மட்டும் இல்லாமல், நிரந்தர சமூக நோக்கமாக அமைய வேண்டும் என்பதைக் வலியுறுத்துகிறது. சமத்துவமே சமூக வளர்ச்சியின் அடித்தளம் என்ற கருத்தை மக்கள் மத்தியில் வலுப்படுத்துவதே இதன் முதன்மை இலக்காகக் கூறப்படுகிறது.

இந்த நிகழ்வு குறித்து தந்தி டிவி, நியூஸ் 7 உள்ளிட்ட செய்தி ஊடகங்கள் விரிவான செய்தி ஒளிபரப்பும், நேரடி ஒளிபரப்பும் வழங்க உள்ளதாக தகவல்கள் தெரிவிக்கின்றன.
பல்வேறு அரசியல் தலைவர்கள், கட்சி நிர்வாகிகள் மற்றும் பொதுமக்கள் இந்த நடைப்பயணத்தில் பங்கேற்க உள்ளதாகவும் கூறப்படுகிறது.