வடகிழக்கு பருவமழை – நிறங்களில் அலெர்ட் ஏன்?

வங்கக் கடலில் உருவாகியுள்ள காற்றழுத்த தாழ்வு நிலை தொடர்ந்து வலுப்பெற்று வருகிறது. தொடர்ந்து இன்று மேற்கு அல்லது வடமேற்கு திசையை நோக்கி நகர்ந்து மேலும் வலுவடையும் நிலையில் 2 நாட்களில் தாழ்வு மண்டலமாக வலுவடைந்து தமிழ்நாடு, புதுச்சேரி, மற்றும் ஆந்திரா கடற்கரை நோக்கி வந்து பின்னர் ஓமன் நாட்டை நோக்கிச் சென்று வலு குறையும் இந்திய வானிலை மையம் அறிவித்துள்ளது.

தமிழ்நாட்டை பொறுத்தவரை பல மாவட்டங்களில் ரெட் அலெர்ட், ஆரஞ்சு அலெர்ட், மஞ்சள் அலெர்ட் விடப்பட்டதுடன், பல மாவட்டங்களில் பள்ளி, கல்லூரிகளுக்கு விடுமுறையும் அளிக்கப்பட்டுள்ளது. ஏன் நிறங்களில் அலெர்ட் விடபடுகிறது என்பது குறித்த கேள்வி எழும், இந்திய வானிலை ஆய்வு மையம் மூலம் விடப்படும் இந்த அலெர்ட்டுகள் மழை குறித்த எச்சரிக்கையை மக்களுக்கு அறிவுறுத்துகிறது. பொருட்களுக்கு சேதம், இடையூறுகள் அல்லது உயிருக்கு ஆபத்தை ஏற்படுத்தக்கூடிய சாத்தியமுள்ள கடுமையான அல்லது அபாயகரமான வானிலைக்கு முன்னதாக மக்களை எச்சரிப்பதே இந்த அலெர்ட்டுகளுக்கு காரணம் ஆகும். இந்த எச்சரிக்கைகள் தினமும் புதுப்பிக்கப்படும்.

பொதுவாக இந்திய வானிலை ஆய்வு மையம் பச்சை, மஞ்சள், ஆரஞ்சு மற்றும் சிவப்பு வண்ணக் குறியீடுகளைப் பயன்படுத்துகிறது. பச்சை நிறத்தை பொறுத்தவரை எல்லாம் நன்றாக உள்ளது எந்த அறிவுரையும் வழங்கப்படவில்லை என்ற எச்சரிக்கையும், மஞ்சள் நிற எச்சரிக்கை விழிப்புடன் சில நாட்கள் கடுமையான மோசமான வானிலையைக் கொண்டிருப்போம் எனவும், வானிலை மோசமாக மாறக்கூடும், இதனால் அன்றாட நடவடிக்கைகளில் இடையூறு ஏற்படலாம் என்றும் அது அறிவுறுத்துகிறது.

ஆரஞ்சு அல்லது ஆம்பர் நிறம் தயாராக இருங்கள் என்பதை குறிக்கும் எச்சரிக்கையாகும். சாலை மற்றும் இரயில் மூடல்கள் மற்றும் மின்சார விநியோகம் தடைபடுவதால் பயணத்தில் இடையூறு ஏற்படக்கூடிய மிக மோசமான வானிலைக்கான எச்சரிக்கையாக ஆரஞ்சு எச்சரிக்கை வெளியிடப்படுகிறது. சிவப்பு நிற எச்சரிக்கை நடவடிக்கை எடுக்க வேண்டும்.

மிகவும் மோசமான வானிலை நிச்சயமாக பயணத்தையும் சக்தியையும் சீர்குலைக்கும் மற்றும் உயிருக்கு குறிப்பிடத்தக்க ஆபத்தை ஏற்படுத்தும் போது, சிவப்பு எச்சரிக்கை வழங்கப்படுகிறது.