திருச்சியில் ஓய்வு பெற்ற போக்குவரத்து தொழிலாளர்கள் ஆர்ப்பாட்டம்

அரசு போக்குவரத்து கழக ஓய்வு பெற்ற தொழிலாளர்கள் ஏஐடியுசி சங்கம் சார்பில் மாநிலம் தழுவிய கவன ஈர்ப்பு ஆர்ப்பாட்டம் திருச்சி தலைமை அலுவலகம் முன்பு ஜி கார்த்திகேயன் தலைமையில் நடைபெற்றது‌.

ஓய்வு பெற்ற தொழிலாளர்களுக்கு மருத்துவ காப்பீட்டு திட்டத்தை செயல்படுத்த வேண்டும். அகவிலைப்படி உயர்வு ஓய்வூதியத்தினை மற்ற துறைகள் போல் ஓய்வூதியும் வழங்கிட வேண்டும்.

சிபிஎஸ் திட்டத்தை ரத்து செய்து பழைய ஓய்வூதிய திட்டத்தில் இணைத்து அரசே ஓய்வூதியத்தை ஏற்று வழங்கிட வேண்டும்.

போக்குவரத்து கழகத்திற்கு அதிக நிதி ஒதுக்கிட வேண்டும் வரவுக்கும் செலவுக்குமான இடைவெளியை அரசே ஏற்க வேண்டும் என்பன உள்ளிட்ட கோரிக்கைகளை வலியுறுத்திய ஆர்ப்பாட்டம் நடைபெற்றது.