மகளீர் மட்டும் : குழுவை கூட்டுங்கள் கடனைப்பெறுங்கள்

கடந்த பிப்ரவரி 1, 2024 அன்று, நிதியமைச்சர் நிர்மலா சீதாராமன் இடைக்கால பட்ஜெட்டை நாடாளுமன்றத்தில் தாக்கல் செய்தார். இந்த பட்ஜெட்டில் லக்பதி திதி திட்டம் குறித்து கூறியிருந்தார். லக்பதி திதி திட்டத்தின் பலன்களை நாட்டில் உள்ள பல பெண்கள் பெற்று வருவதாக பட்ஜெட் உரையில் தெரிவித்தார். தற்போது அதன் இலக்கு ரூபாய் 2 கோடியில் இருந்து ரூபாய் 3 கோடியாக உயர்த்தப்பட்டுள்ளது. பெண்களுக்கு நிதியுதவி வழங்குவதற்கான இந்த திட்டம் தொடங்கப்பட்டுள்ளது, இந்தத் திட்டத்தின் மூலம் எந்தெந்தப் பெண்கள் பயன் பெறுகிறார்கள் என்பதையும், அதற்கு என்னென்ன ஆவணங்கள் தேவை என்பதையும் தெரிந்து கொள்வோமா…

லக்பதி திதி திட்டம் என்றால் என்ன?

பிரதமர் மோடி தனது சுதந்திர தின உரையின் போது இத்திட்டத்தை அறிவித்தார். இத்திட்டத்தின் கீழ் நாடு முழுவதும் உள்ள கிராமங்களில் உள்ள 2 கோடி பெண்களுக்கு திறன் மேம்பாட்டு பயிற்சி அளிக்கப்படுகிறது. இப்பயிற்சியில் பெண்களுக்கு பிளம்பிங், எல்இடி பல்புகள் தயாரித்தல், ஆளில்லா விமானங்களை இயக்குதல் மற்றும் பழுது பார்த்தல் போன்ற பல திறன்களில் பயிற்சி அளிக்கப்படுகிறது. இத்திட்டம் ஒவ்வொரு மாநிலத்திலும் சுயஉதவி குழுக்கள் மூலம் செயல்படுத்தப்படுகிறது. நாட்டில் உள்ள பல பெண்கள் இத்திட்டத்தின் பலனைப்பெற்று வருவதாக பட்ஜெட் உரையில் நிதியமைச்சர் தெரிவித்தார். தற்போது இத்திட்டத்தின் பயனாளிகளின் இலக்கு ரூபாய் 2 கோடியில் இருந்து ரூபாய் 3 கோடியாக உயர்த்தப்பட்டுள்ளது.

லக்பதி திதி திட்டத்திற்கான தகுதி ?

இத்திட்டத்திற்கு வயது வரம்பு இல்லை. சபா பாரதிய மகிளா இந்தத் திட்டத்தின் பலன்களைப் பெறலாம்.பெண்கள் தங்கள் மாநிலத்தின் ‘சுய உதவி குழுக்களில்’ சேர வேண்டும்.

எப்படி விண்ணப்பிப்பது?

இந்தத் திட்டத்தின் பலனைப் பெற, நீங்கள் ‘சுய உதவிக் குழு’ வணிகத் திட்டத்தைத் தயாரிக்க வேண்டும். வணிகத் திட்டம் தயாரான பிறகு, சுயஉதவிக்குழு இந்தத் திட்டத்தையும் விண்ணப்பத்தையும் அரசுக்கு அனுப்பும். அதன் பிறகு, இந்த விண்ணப்பத்தை அரசு பரிசீலனை செய்யும். விண்ணப்பம் ஏற்றுக்கொள்ளப்பட்டால், இந்தத் திட்டத்தின் பலன்களை உங்கள் குழு பெறலாம்.

இந்த திட்டத்தின் கீழ், பல மாநிலங்களில் வட்டியில்லா 5 லட்சம் ரூபாய் கடன் வழங்கப்படுகிறது. தேவையான ஆவணங்கள் என்ன ?

ஆதார் அட்டை, பான் கார்டு, முகவரி ஆதாரம், வருமான சான்றிதழ், பதிவு மொபைல் எண், வங்கி கணக்கு விவரங்கள், பாஸ்போர்ட் அளவு புகைப்படம், மின்னஞ்சல் முகவரி மேற்கண்ட விபரங்கள் போதுமானது.