Site Logo mobile
Search Icon
Mobile Gif
News

துவரங்குறிச்சி அருகே சாலை விபத்து; விபத்தில் ஒருவர் சம்பவ இடத்திலேயே பலி

மதுரை மாவட்டம் நாகமலை புதுக்கோட்டையைச் சேர்ந்தவர்
பெட்ரிக் – 55. இவர் மதுரையில் தனியார் கல்லூரியில் பேராசிரியராக பணியாற்றி வந்தவர். இந்த நிலையில் நேற்று இரவு சென்னையில் இருந்து அவரது காரில் மகன் மெல்வின் – 32 மற்றும் மருமகள் பிரிஷிலா – 26 மூவரும் மதுரை நோக்கி சென்று கொண்டிருந்த நிலையில் காரை மெல்வின் ஓட்டி வந்தார்.

இந்நிலையில் திருச்சி மாவட்டம் துவரங்குறிச்சி அடுத்த துவரங்குறிச்சி மதுரை தேசிய நெடுஞ்சாலை கோசிகுறிச்சி பிரிவு அருகே சென்று கொண்டிருந்தபோது ஓட்டுநரின் கட்டுப்பாட்டை இழந்த கார்  பாலத்தின் தடுப்பு கட்டையில் மோதி விபத்துக்குள்ளானது. இதில் காரில் பயணம் செய்த பெட்ரிக் சம்பவ இடத்திலேயே பலியானார். அருகில் இருந்தவர்கள் காரில் இருந்த மற்றவர்களை மீட்டு சிகிச்சைக்காக துவரங்குறிச்சி அரசு மருத்துவமனைக்கு அனுப்பி வைத்தனர்.

அங்கு முதலை சிகிச்சை அளிக்கப்பட்டு மேல் சிகிச்சைக்காக மதுரை தனியார் மருத்துவமனைக்கு அனுப்பி வைத்தனர். சாலை விபத்தில் பலத்த காயம் அடைந்த மெல்வின் மனைவி பிரிசில்லா – 26 சிகிச்சை பலனின்றி பரிதாபமாக உயிரிழந்தார்.

காரில் இடிபாட்டுக்குள் சிக்கி இருந்த பெட்ரிக்ன் உடலை துவரங்குறிச்சி தீயணைப்புத் துறையினர் மீட்டனர். மெல்வின் தொடர்ந்து சிகிச்சையில் இருந்து வருகிறார் இச்சம்பவம் பற்றிய தகவல் அறிந்த துவரங்குறிச்சி காவல் ஆய்வாளர் விஜய கோல்டன் சிங் சம்பவ இடத்திற்கு விரைந்து சென்று. விபத்தில் பலியான பெட்ரிக்ன் உடலை மீட்டு பிரேத பரிசோதனைக்காக மணப்பாறை அரசு மருத்துவமனைக்கு அனுப்பி வைத்தார்.

மேலும் இச்சம்பவம் குறித்து வழக்கு பதிவு செய்து விசாரணை மேற்கொண்டு வருகின்றனர்.

திருச்சி விஷன் செய்திகளை வாட்ஸ் அப் மூலம் அறிய…
https://chat.whatsapp.com/D2QYeuCTbUyCt93oWlOAgF

டெலிகிராம் மூலமும் அறிய…. https://t.me/trichyvision
https://www.threads.net/@trichy_vision

    slide image

    Comments

    Leave a Reply

    Your email address will not be published. Required fields are marked *