அணுகு சாலை நிலம் கையகப்படுத்தல்: 2026 ஜனவரிக்குள் நிறைவேற்ற உறுதி

கடந்த 28.11.2025 வெள்ளிக் கிழமை காலை 9:30 மணிக்கு, சர்வீஸ் ரோட்டிற்க்கு நிலம் கையகப்படுத்தும் பணி தொடர்பாக, நமது கூட்டமைப்பு நிர்வாகிகள், மாவட்ட ஆட்சித்தலைவர், மற்றும் அணுகு சாலை அமைக்கும் பணி தொடர்புடைய மற்ற உயர் அதிகாரிகளுடன் ( Spl. DRO/LA (NH) Trichy, PD & GM/NHAI, தஞ்சாவூர், Spl. Thasildar/LA/NH/Trichy, ADE/NH/TN/Try) துரை வைகோ MP அவர்கள் தலைமையில் மாவட்ட ஆட்சியர் அலுவலகத்தில் பேச்சுவார்த்தை நடைபெற்றது.

இப்பேச்சு வார்த்தையில் நமது கூட்டமைப்பு சார்பாக, தற்போது தனி மாவட்ட வருவாய் அலுவலர் (நிலமெடுப்பு)/NHAI திருச்சி அவர்கள் பணியிடம் பொறுப்பு (Incharge)-ல் பார்த்து வருவதால் நிலம் கையகப்படுத்தும் பணி காலதாமதமாகி வருகிறது எனவும், ஆகவே உடனடியாக Spl. DRO (LA) NHAI அவர்கள் நியமிக்க வேண்டும் என கோரிக்கையை வலியுறுத்தினோம்.

அதற்கு மாவட்ட ஆட்சித் தலைவர் அவர்கள், அப்பொறுப்புக்கு தற்போது Spl.DRO (LA) NHAI நியமிக்கபட்டுள்ளார் என கூறி, அவரும் அணுகு சாலைக்காக நிலம் கையகப்படுத்தும் அனைத்து ஆவணங்களையும் தற்போது ஆய்வு செய்து வருவதாகவும் தெரிவித்தார்கள்.

அடுத்தாக, இனியும் காலம் கடத்தாமல், நிலத்தை கையகப்படுத்தி, NHAI-யிடம் ஒப்படைப்பு செய்து முடித்திட SPL.DRO/LA/NH அவர்களுக்கு கால அட்டவணை வழங்க கோரிக்கை வைத்தோம்.

இதற்கு, மாவட்ட ஆட்சியர் அவர்கள், SPL.DRO/LA/NH அவர்களிடம், வரும் இருபது (20) நாட்களுக்குள் இன்னும் நிலுவையில் உள்ள ஒரு சில நில & கட்டிட ஆவணங்களை ஆய்வு செய்யும்பணி முடிக்கப்பட்டு, வரும் 2026 ஜனவரி மாதம் இறுதிக்குள் அணுகு சாலைக்கான அனைத்து நிலப்பகுதிகளும் முறையாக கையகப்படுத்தி முடிக்கப்பட்டு,   தேசிய நெடுஞ்சாலை துறையினரிடம் ஒப்படைத்திட  நேரிடையாக உத்தரவிட்டு, MP அவர்கள் முன்னிலையில் உத்திரவாதம் கொடுத்துள்ளார்கள்.

மேலும், MP அவர்கள், இப்பணியில் இனியும் எவ்வித காலதாமதமின்றி பணி நிறைவடையும் வரை மாவட்ட ஆட்சி தலைவர்  கண்காணிப்பு செய்து முடிக்க வேண்டுமென தெரிவித்து இதனையே தமிழக பள்ளி கல்வித்துறை அமைச்சர் அன்பில் மகேஷ் பொய்யாமொழி அவர்களும் வலியுறுத்தியுள்ளார்கள் என எடுத்துக் கூறினார்.

அடுத்தாக, பால்பண்னை முதல் திருவெறும்பூர் வரை தேசிய நெடுஞ்சாலையில் தொடர்ச்சியாக உள்ள தடுப்பு Zinc தட்டிகளை புதிதுபுதிதாக ஆங்காங்கே   சாலையை கடப்பதற்காக திறந்து, அங்கே தனியார் நிறுவனங்களின் விளம்பரங்களுடனான தடுப்பு தட்டிகள் வைக்கப்பட்டுள்ளதை ஆய்வு செய்து, தேசிய நெடுஞ்சாலை விதிகளுக்கு புறம்பாக  வைக்கப்பட்டுள்ள விளம்பர தட்டிகளை அகற்றிட வேண்டும் என கோரிக்கை வைக்கபட்டது.

இக்கோரிக்கைக்கு, மாவட்ட ஆட்சியர் அவர்கள், உடனடியாக விதிகள் மீறிவைக்கப் பட்டுள்ள  திறப்புகளை அடைத்து, அவ்விடங்களில் உள்ள தட்டிகளையும் அகற்றிட வேண்டும் என PD/NHAI மற்றும் காவல்துறை அதிகாரிகளை நேரிடையாக கேட்டுக் கொண்டுள்ளார்கள்.

அடுத்து, பல ஆண்டுகளாக புதுபிக்கப்படாமல் உள்ள தேசிய நெடுஞ்சாலையின் பால்பண்னை – திருவெறும்பூர் பகுதி சாலையை புதுப்பிக்கும் பணியை விரைந்து முடித்திட வேண்டும் எனவும், பால்பண்னை – திருவெறும்பூர் வரை சாலையில் பழுதடைந்து உள்ள உயர்மட்ட மின்விளக்குகளை உடனடியாக சீர்செய்திட வேண்டும் எனவும் நமது பாராளுமன்ற உறுப்பினர் அவர்கள, PD&GM/NHAI/Thanjavur அவர்களிடம் நேரிடையாக கேட்டுக் கொண்டுள்ளார்.

மேற்கண்ட நிகழ்ச்சியினை தொடர்ந்து, இன்று 29.11.2025 காலை 08:30 மணிக்கு, நமது பள்ளி கல்வி துறை அமைச்சர் அன்பில் மகேஷ் பொய்யாமொழி அவர்களையும் நேரில் சந்தித்து, நேற்று மாவட்ட ஆட்சியர் அலுவலகத்தில், பாராளுமன்ற உறுப்பினர் துரை வைகோ அவர்கள் முன்னிலையில் நடந்து முடிந்த அணுகு சாலை தொடர்பான ஆய்வு கூட்டத்தில் எடுக்கப்பட்ட நிலைபாடுகளை விபரமாக எடுத்துக் கூறி, தொடர்ந்து அமைச்சர் அவர்கள் இப்பொறுப்பில் இடைவிடாது கவனம் கொண்டு, அணுகு சாலை பணி முழுமையாக முடியும் வரை கண்காணித்து விரைவில் முடிக்க  கேட்டுக்கொள்ளப்பட்டது.

அமைச்சர் அவர்களும், எவ்வித இடையூறுமின்றி இப்பணி முழுமையாக நிறைவேற தாம் தொடர்ந்து ஈடுபட்டு வருவதாக உறுதியளித்துள்ளார்.

மேற்கண்ட இரு கூட்டங்களிலும், தங்களது நேரத்தை ஒதுக்கி, கலந்து கொண்டு சிறப்பு சேர்த்துள்ள அமைச்சர் அன்பில் மகேஷ் பொய்யமொழி அவர்களுக்கும், மக்களவை உறுப்பினர் துரை வைக்கோ அவர்களுக்கும், மாவட்ட ஆட்சி தலைவர் அவர்களுக்கும் கூட்டமைப்பு சார்பாக நன்றியை தெரிவித்துக் கொள்கிறோம்.

திருச்சி விஷன் செய்திகளை வாட்ஸ் அப் மூலம் அறிய…
https://chat.whatsapp.com/D2QYeuCTbUyCt93oWlOAgF

டெலிகிராம் மூலமும் அறிய…. https://t.me/trichyvision
https://www.threads.net/@trichy_vision