சாரநாதன் கல்லூரியில் இணையவழி குற்ற விழிப்புணர்வு நிகழ்ச்சி

சாரணாதன் இன்ஜினியரிங் கல்லூரியின் தேசிய சேவை திட்டம் (NSS) பிரிவு, 2025 செப்டம்பர் 4ஆம் தேதி, இணைய குற்றத்துக்கு எதிரான விழிப்புணர்வு நிகழ்ச்சியை வெற்றிகரமாக ஏற்பாடு செய்தது.

இந்த நிகழ்வின் முதன்மை நோக்கம், மாணவர்களிடம் இணையத்தை பாதுகாப்பாகவும் பொறுப்புடன் பயன்படுத்தும் வழிகள் குறித்து விழிப்புணர்வை ஏற்படுத்துவது மற்றும் பல்வேறு வகையான இணைய குற்றங்களைத் தடுக்கும் முன்னெச்சரிக்கை நடவடிக்கைகள் குறித்தும் அவர்களை கல்வியளிப்பதுதான்.

சைபர் குற்றப்பிரிவின் போலீஸ் ஆய்வாளராக இருந்த திருமதி கே. சண்முக பிரியா அவர்கள், மாணவர்களுக்கு உரையாற்றினார்.

நிகழ்ச்சியின் போது, இணைய பாதுகாப்பின் முக்கியத்துவம் நாளாடைவில் எவ்வாறு அதிகரித்து வருகிறது என்பதை விளக்கினார். பிஷிங் (Phishing), அடையாள திருட்டு (Identity theft), ஆன்லைன் மோசடிகள், ஹாக்கிங், சமூக ஊடகங்களை தவறாக பயன்படுத்தல் போன்ற இணைய குற்றங்களின் வகைகள் குறித்து தெளிவான தகவல்களை பகிர்ந்தார்.

தனிப்பட்ட தரவுகளின் பாதுகாப்பு முக்கியத்துவம் குறித்து அவர் வலியுறுத்தி, வலுவான கடவுச்சொற்களை உருவாக்குவது, இணையதளங்கள் சந்தேகத்திற்கிடமான மின்னஞ்சல்களை அடையாளம் காண்பது, மற்றும் மோசடி இணையதளங்களை தவிர்ப்பது, இணைய குற்ற சம்பவங்களை புகாரளிப்பது போன்ற நடைமுறை ஆலோசனைகளையும் பகிர்ந்தார்.
மேலும், மாணவர்கள் இந்திய அரசின் இணைய குற்றங்கள் புகாரளிக்கும் அதிகாரப்பூர்வ இணையதளம் www.cybercrime.gov.in மூலம் எந்தவொரு சந்தேகமான செயல்களையோ சம்பவங்களையோ புகாரளிக்கலாம் என ஊக்குவித்தார்.

மேலும், NCRP (தேசிய இணைய குற்ற புகாரளிப்பு தளம்), NCII.org (தேசிய இணைய கட்டமைப்பு மையம்), சஞ்சார் சாதி போன்ற பயன்பாடுகளை மாணவர்களுக்கு அறிமுகப்படுத்தினார். இது மொபைல் பயனாளர்களின் பாதுகாப்பை மேம்படுத்தும் அரசு முயற்சி ஆகும்.