மரணப் படுக்கையில் ஏழு மாத சினை பசுமாடு கண்டுகொள்ளாத அரசு மருத்துவர்

திருச்சி மாவட்டம் ஸ்ரீரங்கம் வட்டம் திருப்பராய்த்துறை வருவாய் கிராமத்தில் அம்பேத்கார் நகரில் ஏழு மாத சினை பசுமாடு மூன்று நாட்களாக உணவு உண்ணாமல் படுத்த படுக்கையாக இருக்கிறது.அதே கிராமத்தில் உள்ள அரசு மருத்துவரை அணுகி வைத்தியம் பார்க்கச் சொன்னால் அவர் தனியார் மாட்டு வைத்தியரின் நம்பரை கொடுத்து அவரை வைத்து வைத்தியம் பார்க்க சொல்கிறார்.

அந்த தனியார் மருத்துவர் ஒரு நாளைக்கு பின்னர் வர மறுத்து விட்டார். நீங்கள் அரசு வைத்தியரை வைத்து வைத்தியம் பார்த்துக் கொள்ளுங்கள் என்று சொல்லிவிட்டார்.

7 மாத கர்ப்பிணியான இந்த பசுமாடு உணவு உண்ணாமல் படுத்த படுக்கையாக இருக்கிறது, இப்படியே தொடர்ந்தால் ஓரிரு நாட்களில் மாடு மரணம் அடைந்து விடும், தாயையும் சேயும் காப்பாற்றும் படி மாட்டின் உரிமையாளர் அரசு மருத்துவரிடம் கோரிக்கை வைத்துள்ளார். ஆனால் அவரோ செவி சாய்ப்பதாக தெரியவில்லை.