ரயில்வே சொத்து திருட்டு: குற்றவாளி கைது

திருச்சிராப்பள்ளி
காவல் நிலையம் : இரயில்வே பாதுகாப்புப் படை / தஞ்சாவூர்
தெற்கு இரயில்வே/சென்னை, முதன்மை தலைமை பாதுகப்பு ஆணையர் (IG-cum-PCSC) திரு. கே. அருள் ஜோதி அவர்கள், இரயில்வே சொத்துக்கள் திருட்டைத் தடுக்கும் பொருட்டு அனைத்து நிலையங்களிலும் சிசிடிவி கேமரா கண்காணிப்பை வலுப்படுத்தி செயல்படுத்த வேண்டும் எனக் கடுமையான உத்தரவு வழங்கியுள்ளார்.

அந்த உத்தரவை தொடர்ந்து, மூத்த பிரிவு பாதுகாப்பு ஆணையர் திரு. பிரஷாந்த் யாதவ் அவர்களின் மேற்பார்வையில், தஞ்சாவூர் ரயில்வே பாதுகாப்புப் படை குழுவினர் 30.08.2025 அன்று தஞ்சாவூர் இரயில்நிலையம் (நடைமேடை எண்:04) பகுதியில் சிசிடிவி காட்சியை கவனித்து, ஒரு சந்தேக நபரை நேரடியாகத் தடுப்பதில் வெற்றி பெற்றனர்.

சந்தேக நபர்,மு. விக்னேஷ்வரன் (20 வயது),த/பெ. முருகன் என்பவரின் மகன், சேலம் மாவட்டத்தைச் சேர்ந்தவர், பயணிகள் வண்டிக்குள் நுழைந்து தண்ணீர் திறந்து விடும் குழாயை அகற்ற முயன்றபோது கையிலேயே பிடிக்கப்பட்டார். அவரிடமிருந்து இரயில்வே பயன்பாட்டிற்கு உட்பட்ட 5 எண்ணிக்கையிலான ஜேசன் காக்ஸ் பொருட்கள் பிளாஸ்டிக் பையில் மறைத்து வைத்திருந்தது மீட்கப்பட்டது.
அந்நபர் கைது செய்யப்பட்டு தஞ்சாவூர் குற்றவியல் நீதிமன்ற நடுவர் எண்:1-ல் ஆஜர்படுத்தப்பட உள்ளார்.

இந்தச் சம்பவம், சிசிடிவி கண்காணிப்பு எவ்வாறு குற்றத் தடுப்பில் பயனுள்ளதாக உள்ளது என்பதற்கான சிறந்த எடுத்துக்காட்டாகும்.
இரயில்வே பாதுகாப்புப் படை, இரயில்வே சொத்துக்களை பாதுகாப்பதில் பொதுமக்கள் ஒத்துழைக்குமாறு கேட்டுக்கொள்கிறது. மேலும், இரயில்வே சொத்துக்களை சேதப்படுத்தும் அல்லது திருடும் எவரிடமும் கடுமையான நடவடிக்கை எடுக்கப்படும் எனவும் உறுதியளிக்கிறது.

திருச்சி விஷன் செய்திகளை வாட்ஸ் அப் மூலம் அறிய…
https://chat.whatsapp.com/D2QYeuCTbUyCt93oWlOAgF

டெலிகிராம் மூலமும் அறிய…. https://t.me/trichyvision https://www.threads.net/@trichy_vision