தலைநகரில் 2.5கோடி கைவரிசை காட்டிய ராம்ஜி நகர் கொள்ளையர்கள் – டெல்லி போலீஸ் முகாம்

கடந்த 18ஆம் தேதி டெல்லி கரோல் பார்க்கில் நிறுத்தி வைத்திருந்த காரை நோட்டமிட்டு கண்ணாடியை உடைத்து உள்ளிருந்த ரூ2.5 கோடி மதிப்புள்ள தங்க நகைகளை ராம்ஜி நகர் கொள்ளையர்கள் 5 பேர் கொள்ளை அடித்துள்ளனர். சிசிடிவியில் கண்காணித்த பொழுது

அதில் பதிவாகிய இவர்களின் புகைப்படங்கள் வெளியாகி உள்ளது. டெல்லி போலீசார் தொடர்ந்து திருச்சி ராம்ஜி நகர் கருமண்டபம் உள்ளிட்ட பகுதிகளில்
தேடுதல் வேட்டை நடத்தி வருகின்றனர். முதல் குற்றவாளியான லட்சுமணன் சொந்தமான காம்ப்ளக்ஸில் நோட்டீஸ் ஒட்டப்பட்டுள்ளது.

லட்சுமணன் உள்ளிட்ட ஐந்து பேர் இந்த கொள்ளை சம்பவத்தை நிகழ்த்தியுள்ளனர் மிக முக்கியமான நபரின் காரில் 2 கோடி 5 லட்சம் மதிப்புள்ள தங்க நகைகள் கொள்ளையடிக்கப்பட்டதால் டெல்லி போலீசார் விரைவாக திருச்சி வந்து

தங்களது தேடுதல் வேட்டையை துவக்கி அவரவர்களது இல்லங்களில் நோட்டீஸ்களை ஒட்டி உள்ளனர் திருச்சி மாவட்ட மாநகர போலீசார் துணையுடன் டெல்லி போலீசார் தொடர் தேடுதல் வேட்டையில் ஈடுபட்டுள்ளனர் ராம்ஜி நகர் முழுவதும் 50க்கும் மேற்பட்ட போலீசார் மோப்ப நாய்கள் உதவியுடன் சோதனை தொடர்ந்து கொண்டே இருக்கிறது.

ராம்ஜி நகர் இவர்களது வீடுகளில் சோதனை நடத்தி எவ்வித தங்கமும் பறிமுதல் செய்யாத நிலையில் கொள்ளை சம்பவத்தில் ஈடுபட்ட லட்சுமணன் சொந்தமான காம்ப்ளக்ஸ் கடைகள் உள்ளிட்ட பகுதிகளிலும் டெல்லி போலீசார் அதிரடி சோதனை நடத்தி நோட்டிஸ்களை ஒட்டி வருகின்றனர்.