திருச்சி அண்ணா விளையாட்டரங்கம்: பள்ளி மாணவர் கையுந்துபந்தில் சென்னை அணி வெற்றி

2025-26 ஆம் ஆண்டிற்கான “தமிழ்நாடு முதலமைச்சர் கோப்பை” விளையாட்டுப் போட்டிகள் மாநிலம் முழுவதும் 26.08.2025 முதல் 12.09.2025 வரை பொதுப்பிரிவு. பள்ளி. கல்லூரி மாணவ மாணவிகள், மாற்றுத்திறனாளிகள் மற்றும் அரசு ஊழியர்கள் என 5 பிரிவுகளில் ஆண் / பெண் இருபாலரும் பங்கேற்கும் வகையில் 32 விளையாட்டுக்கள் 37 வகைகளில் மாவட்ட, மண்டல அளவில் போட்டிகள் நடைபெற்றது. இதனை தொடர்ந்து தற்போது மாநில அளவிலான போட்டிகள் 13 மாவட்டங்களில் 02.10.2025 முதல் 14.10.2025 வரை நடைபெற்று வருகிறது.

மாவட்ட அளவிலான குழுப் போட்டிகளில் கலந்துகொண்டு தேர்வு செய்யப்பட்ட வீரர்கள் மற்றும் வீராங்கனைகள் மாநில அளவிலான கையுந்துபந்து போட்டிகளில் பங்கேற்பதற்கு, 38 மாவட்டங்களிலிருந்து 555 வீரர்கள் மற்றும் 570 வீராங்கனைகள், பங்கேற்க உள்ளனர். இப்போட்டிகள் 07.10.2025 முதல் 10.10.2025 வரை மாணவர்களுக்கும். 10.10.2025 முதல் 13.10.2025 வரை மாணவிகளுக்கும் அண்ணா விளையாட்டரங்கம் திருச்சிராப்பள்ளியில் நடைபெற்று வருகிறது.

இப்போட்டிகளில் பள்ளி மாணவர்களுக்கான கையுந்துபந்து போட்டிகள் 07.10.2025 முதல் 10.10.2025 வரை அண்ணா விளையாட்டரங்கம் திருச்சிராப்பள்ளியில் நடைபெற்றது. இப்போட்டிகளில் சென்னை மாவட்ட அணி முதலிடமும், தஞ்சாவூர் மாவட்ட அணி இரண்டாம் இடமும் மற்றும் திருச்சிராப்பள்ளி மாவட்ட அணி மூன்றாம் இடமும் பெற்றுள்ளனர். பரிசுத்தொகை முதலிடம் தலா ரூ.75000/- வீதம் 14 நபர்களுக்கு ரூபாய் 10.50 இலட்சமும், இரண்டாமிடம் தலா ரூ.50,000/- வீதம் 14 நபர்களுக்கு ரூபாய் 7 இலட்சமும் மற்றும் மூன்றாமிடம் தலா ரூ.25000/- வீதம் 14 நபர்களுக்கு ரூபாய் 3.50 இலட்சமும் என மொத்தப் பரிசுத்தொகை ரூ.21,00,000/- SNA வங்கி கணக்கு வாயிலாக வழங்கப்பட உள்ளது.

இந்த போட்களில் வெற்றி பெற்ற அணிகளுக்கு இன்று (10.10.2025) திருச்சிராப்பள்ளி அண்ணா விளையாட்டரங்கில் நடைபெற்ற விழாவில் மாவட்ட ஆட்சித்தலைவர் திரு.வே.சரவணன்,இ.ஆ.ப., அவர்கள் பங்கேற்று வெற்றி பெற்ற அணிகளுக்கு பதக்கம், பாராட்டுச்சான்றிதழ் மற்றும் பரிசு தொகைகளை வழங்கி பாராட்டினார்.

இந்நிகழ்வில், உதவி ஆட்சியர் (பயிற்சி) செல்வி.சேஷத்ரிமயும் தீபிசானு,இ.ஆ.ப., அவர்கள், மாவட்ட விளையாட்டு அலுவலர் திருமதி.ஞான சுகந்தி, பயிற்சியாளர்கள், மேலாளர்கள், விளையாட்டு வீரர்கள் கலந்து கொண்டனர்.

திருச்சி விஷன் செய்திகளை வாட்ஸ் அப் மூலம் அறிய…
https://chat.whatsapp.com/D2QYeuCTbUyCt93oWlOAgF

டெலிகிராம் மூலமும் அறிய….

https://t.me/trichyvision https://www.threads.net/@trichy_vision