திருச்சி வாக்கு எண்ணிக்கை மையத்தில் பத்திரிக்கையாளரை தரக்குறைவாக பேசிய துணை ஆணையர்-பத்திரிக்கையாளர்கள் சங்கம் கடும் கண்டனம்

பத்திரிகையாளர்களை ஒருமையில் பேசியதாக கூறப்படும் சம்பவத்திற்கு திருச்சி டிஸ்ட்ரிக்ட் பிரஸ் & மீடியா கிளப் கடும் கண்டனம் தெரிவித்துள்ளது.இதுகுறித்து கிளப் வெளியிட்ட அறிக்கையில் கூறியிருப்பதாவது-
தமிழக சட்டமன்ற தேர்தல் வாக்குப்பதிவு நடைபெற்று வரும் நிலையில், திருச்சி ஜமால் முகமது கல்லூரியில் வாக்கு எண்ணிக்கை நடைபெறும் இடத்தில் முன்பே பணி செய்து கொண்டிருந்த பத்திரிகையாளரை திருச்சி தெற்கு காவல்துறை துணை ஆணையர் ஸ்ரீநிவாசன் அதிகாரமில்லாத முறையில் நடத்தி கொண்டு, ஒருமையில் பேசியது கண்டனத்திற்குரியது.

காவல்துறை துணை ஆணையராக பணியாற்றும் ஒருவர் பதவியின் உயரத்தை மறந்து இப்படி பொதுவெளியில் நடந்து கொள்வது முறையல்ல. பத்திரிகையாளர்களை தாழ்த்தும் வகையில் நடந்துகொள்வது ஏற்க முடியாதது. மேலும், சம்பந்தப்பட்ட காவல்துறை துணை ஆணையர் மீது தமிழக அரசு தகுந்த நடவடிக்கை எடுக்க வேண்டும் என்று வலியுறுத்தப்படுகிறது.பத்திரிகையாளர்களின் பணியை மதிக்கும் வகையில் அதிகாரிகள் நடந்து கொள்ள வேண்டும் என்பதையும், இதுபோன்ற சம்பவங்கள் இனி நடைபெறாத வகையில் உரிய நடவடிக்கைகள் எடுக்கப்பட வேண்டும் என்றும் திருச்சி டிஸ்ட்ரிக்ட் பிரஸ் & மீடியா கிளப் கேட்டுக்கொண்டுள்ளது.

திருச்சியில் உள்ள ஒரு தனியார் கல்லூரியில் வாக்கு இயந்திரங்களுக்கான பாதுகாப்பு ஏற்பாடுகள் குறித்து தகவல் சேகரிக்க முயன்றபோது, காவல்துறை பணியாளர்கள் பத்திரிகையாளர்கள் தங்கள் கடமைகளைச் செய்யத் தடையாக இருந்துள்ளனர்.the_hindu-வைச் சேர்ந்த மூத்த பத்திரிகையாளர் மூர்த்தியிடம், துணை காவல் ஆணையர் ஷ்ருஷ்டி சிங் மிகவும் மரியாதையற்ற முறையில் பேசியுள்ளார்.

இந்த நடவடிக்கையை சென்னை பத்திரிகையாளர் கழகமும் கடுமையாக கண்டிக்கிறது. மூத்த பத்திரிகையாளரிடம் மரியாதையற்ற முறையில் நடந்துகொண்ட துணை காவல் ஆணையர் ஷ்ருஷ்டி சிங் உடனடியாக மன்னிப்பு கோர வேண்டும்.மேலும், திருச்சி காவல்துறை ஆணையர், காவல்துறை பணியாளர்கள் பத்திரிகையாளர்களிடம் மரியாதையுடன் நடந்து கொள்ள வேண்டும் என்ற உத்தரவை பிறப்பிக்க வேண்டும் என்று வலியுறுத்துகிறோம். என்று சென்னை பத்திரிக்கையாளர் சங்கமும் தெரிவித்துள்ளது