ஷிவானி கல்லூரியில் ப்ரோடிஜிட் கல்விக்கழகம் மற்றும் நுண்ணறிவு AI யின் திறன் மையம் மேற்கொள்ள பேச்சு வார்த்தை

கடந்த ஜூலை 3 ஆம் தேதி வெள்ளிக்கிழமை, இங்கிலாந்தை தலைமையிடமாகக் கொண்ட போதி பலபிரபஞ்சம் (Bodhi Multiverse) நிறுவனத்தின் ப்ரோடிஜிட் டெக் அகாடமி (Prodigit Tech Academy) ஷிவானி பொறியியல் கல்லூரி நிர்வாகத்துடன் ஒரு பயனுள்ள மற்றும் முக்கியமான சந்திப்பை நடத்தியது. இந்த சந்திப்பிற்கு கல்லூரியின் தொலைநோக்கு பார்வை கொண்ட இயக்குநர்/செயலாளர் பொறியாளர் திரு. விக்னேஷ்வரன் செல்வராஜ் தலைமை தாங்கினார்.

மாணவர்கள் தங்களின் தற்போதைய பொறியியல் படிப்புடன் இணைந்து, நீண்டகால செயற்கை நுண்ணறிவு (AI) அடிப்படையிலான தகவல் தொழில்நுட்ப சான்றிதழ் படிப்புகள், மாதிரி நேர்முகத் தேர்வுகள் (Mock Interviews), அதிநவீன பயிற்சி ஆய்வகத்துடன் கூடிய சிறப்புத் திறன் மையம் (Center for Excellence) ஆகியவற்றை வழங்குவது குறித்து விரிவான கலந்துரையாடல் நடைபெற்றது. இதன் முக்கிய நோக்கம், மாணவர்களை தொழில்துறைக்குத் தயாரான பட்டதாரிகளாக உருவாக்குவதாகும்.

தங்கள் திட்டங்கள் மற்றும் சாத்தியமான செயல்முறைகளை விரிவாக விளக்குவதற்கான வாய்ப்பை வழங்கியதற்கும், தங்கள் மீது வைத்துள்ள நம்பிக்கைக்கும் ஷிவானி பொறியியல் கல்லூரி நிர்வாகத்தினருக்கு தங்களது மனமார்ந்த நன்றியைத் தெரிவித்துக் கொள்வதாகவும். எதிர்காலத்தில் கல்லூரியுடன் பன்நோக்கில் இணைந்து செயல்பட ஆவலுடன் இருப்பதாகவும் இங்கிலாந்தின் ப்ரோ பிரண்ட் எண்ட், ப்ரோ டிஜிட் மற்றும் நுண்ணறிவு.ai நிறுவனங்களின் இணை நிறுவனர் மற்றும் இயக்குனர் திரு. ஆனந்தா கணேஷ் தெரிவித்தார்.

இந்த சந்திப்பில் ப்ரோடிஜிட் டெக் அகாடமி (Pro Digit Tech Academy) சார்பில்:

திரு. சஞ்சய் SN – முதன்மை செயற்கை நுண்ணறிவு கட்டமைப்பாளர் (Lead AI Architect) மற்றும் வணிகத் திட்டமிடல் தலைவர் (Head of Business Strategy) மற்றும் முனைவர். நல்லுசாமி – வியூக செயல்பாடுகள் இயக்குநர் (Director of Strategic Operations) ஆகியோர் கலந்து கொண்டனர்.