சாரநாதன் கல்லூரியில் இரத்த தான முகாம்

SARANATHAN COLLEGE OF ENGINEERING

(An Autonomous Institution)

Venkateswara Nagar, Panjappur, Tiruchirappalli – 620 012 Youth Red Cross (YRC) Unit

2026 ஆகஸ்ட் 12 அன்று, திருச்சிராப்பள்ளி சாரநாதன் பொறியல் கல்லூரியின் ரெட் கிராஸ் சங்கம் (YRC) அமைப்பால், திருச்சிராப்பள்ளி மகாத்மா காந்தி நினைவு அரசு மருத்துவமனையுடன் இணைந்து கல்லூரி வளாகத்தில் தன்னார்வ இரத்த தான முகாம் நடத்தப்பட்டது.

இந்நல்முயற்சியை, சாரநாதன் பொறியியல் கல்லூரியின் முதல்வர் முனைவர் D. வளவன் அவர்கள் முறைப்படி தொடங்கி வைத்து, இளைஞர்களின் தன்னார்வத் தொண்டைப் பாராட்டியதோடு, உயிர்காப்பதில் இரத்த தானத்தின் முக்கியத்துவத்தையும் வலியுறுத்தினார்.

இரத்த தானத்திற்கு முன்பாக, கொடையாளர்களின் பாதுகாப்பை உறுதி செய்வதற்காக ஒவ்வொரு தன்னார்வலருக்கும் ரத்த அழுத்தம், ஹீமோகுளோபின் அளவு உள்ளிட்ட மருத்துவப் பரிசோதனைகள் துல்லியமாக மேற்கொள்ளப்பட்டன. திருச்சிராப்பள்ளி மகாத்மா காந்தி நினைவு அரசு மருத்துவமனையின் இரத்த வங்கி அலுவலர் முனைவர் P. அரவிந்த் அவர்களின் வழிகாட்டலிலும், அவரது அர்ப்பணிப்புமிக்க மருத்துவக் குழுவின் மேற்பார்வையிலும் இந்நிகழ்வு சிறப்பாக நடைபெற்றது.

இம்முகாமில் கல்லூரி வளாகத்தைச் சேர்ந்த மாணவர்கள் மற்றும் பேராசிரியர்கள் ஆர்வத்துடன் பங்கேற்று, மொத்தம் *112 யூனிட் இரத்தை* கொடையாக வழங்கினர்; இதில் 105 மாணவர்கள் மற்றும் 7 பணியாளர்களின் பங்களிப்பு சமூக நலனில் அவர்களின் வலுவான அர்ப்பணிப்பைக் காட்டுகிறது. இரத்த தானம் செய்த அனைவருக்கும் உடனடி புத்துணர்சி பெற சிற்றுண்டிகளும் உரிய பராமரிப்பும் வழங்கப்பட்டன. சேகரிக்கப்பட்ட இரத்த யூனிட்டுகள் அவசர கால சிகிச்சை மற்றும் வழக்கமான மருத்துவத் தேவைகளுக்காக மகாத்மா காந்தி நினைவு அரசு மருத்துவமனை இரத்த வங்கியிடம் ஒப்படைக்கப்பட்டன.

முகாம் சிறப்பாக காரணமாகியிருந்த முதல்வர் முனைவர் D. வளவன், YRC திட்ட அலுவலர் முனைவர் S. சிவமணி மற்றும் இரத்த தானம் செய்த 112 கொடையாளர்களுக்கும் மனமார்ந்த நன்றிகள் தெரிவிக்கப்பட்டு நிகழ்வு இனிதே நிறைவடைந்தது. இந்நிகழ்ச்சி உதவி பேராசிரியரும், YRC திட்ட அலுவலருமான முனைவர் S. சிவமணி அவர்களால் ஒருங்கிணைக்கப்பட்டது.