சமயபுரம் மற்றும் ஸ்ரீரங்கம் கோயில் உண்டியல் காணிக்கை விபரம்

108 வைணவ திருத்தலங்களில் முதன்மையானதும் பூலோக வைகுண்டம் என அனைவராலும் போற்றப்படும் திருச்சி ஸ்ரீரங்கம் அருள்மிகு அரங்கநாதசுவாமி திருக்கோயில் இன்று மாதாந்திர உண்டியல்கள் திறக்கப்பட்டு பக்தர்களின் காணிக்கைகள் என்னும் பணி கோவில் கருட மண்டபம் அருகே கோவில் இணை ஆணையர் மாரியப்பன் முன்னிலையில் நடைபெற்றது. காணிக்கை எண்ணும் பணி முழுவதும் சிசிடிவி காட்சிகள் மூலம் கண்காணிக்கப்பட்டது.

திருச்சி ஸ்ரீரங்கம் அருள்மிகு அரங்கநாதசுவாமி திருக்கோயில் மாதாந்திர உண்டியல்கள் திறக்கப்பட்டு பக்தர்களின் காணிக்கைகள் காணக்கிடப்பட்டத்தில் ரூபாய் 1 கோடியே 18 லட்சத்து 58 ஆயிரத்து 516/-, தங்கம் 170 கிராம் , வெள்ளி 790 கிராம் மற்றும் வெளிநாட்டு ரூபாய் தாள்கள் 291 எண்ணிக்கைகள் கிடைக்கப்பெற்றன.

தமிழ்நாட்டில் உள்ள அம்மன் ஸ்தலங்களில் மிகவும் பிரசித்திப் பெற்றது திருச்சி மாவட்டம், சமயபுரம் அருள்மிகு மாரியம்மன் கோயில். இந்த ஸ்தலத்திற்கு திருச்சி மாவட்டம் மட்டுமல்லாது, பல்வேறு மாவட்டங்கள் மற்றும் இந்தியாவில் உள்ள பிற மாநிலங்களிலிருந்து பக்தர்கள் வந்து சென்று தங்களது நேர்த்திக் கடனை நிறைவேற்றி காணிக்கைகளை உண்டியலில் செலுத்தி வருகின்றனர்.

இதில் சமயபுரம் கோயில் உண்டியலில் பக்தர்கள் காணிக்கையாக செலுத்திய 84 லட்சத்து, 75 ஆயிரத்து, 052 ரூபாய் ரொக்கமும், 2 கிலோ 222 கிராம் தங்கமும், 2 கிலோ 680 கிராம் வெள்ளியும், 215 அயல்நாட்டு நோட்டுகளும், 538 அயல்நாட்டு நாணயங்களும் இருந்தன.