திருச்சியில் எந்திரவியல் ஆய்வகங்களின் (Robotic Labs) துவக்க விழா

திருச்சி மாவட்டம் துவாக்குடி, அரசு மேல்நிலைப் பள்ளி, இன்று 19.12.2025 எந்திரவியல் ஆய்வகங்கள் துவக்கப்பட்டது. அரசுப் பள்ளிகளில் 6 முதல் 9ஆம் வகுப்பு வரை பயிலும் மாணவர்களிடம் பிரச்சினைகளைத் தீர்க்கும் திறனை வளர்க்கவும், குழுவாக இணைந்து செயல்படக்கூடிய திறனைக் கற்றுக் கொள்ளவும், படைப்பாற்றலை வளர்க்கவும் 15 மாவட்டங்களில் தலா ஒரு எந்திரவியல் ஆய்வகம் என்ற கணக்கில் 15 எந்திரவியல் ஆய்வகங்கள் ரூ. 6.09 கோடி மதிப்பீட்டில் நிறுவப்பட்டு உள்ளன.

இந்நிகழ்வில் கலந்து கொண்ட பள்ளிகள் அரசு கா.மு. சுப்பராய முதலியார் மே.நி.பள்ளி, காஞ்சிபுரம், SLB அரசு மேல்நிலைப் பள்ளி, நாகர்கோவில், அகஸ்தீஸ்வரம், கன்னியாகுமரி மாவட்டம், அரசு முன்மாதிரி மே.நி.பள்ளி, புதுக்கோட்டை மாவட்டம், அ.மே.நி. பள்ளி, அழகப்பம்பாளையம் புதூர், மகுடஞ்சாவடி, சேலம் மாவட்டம், சீனவனா அரசு மேல்நிலைப் பள்ளி, தூத்துக்குடி மாவட்டம், மீனாட்சி அரசு மகளிர் மே.நி.பள்ளி, திருப்பத்தூர் மாவட்டம், அரசு மகளிர் மேல்நிலைப் பள்ளி, கொரடாச்சேரி, திருவாரூர் மாவட்டம், அதியமான் அரசு ஆண்கள் மே.நி.பள்ளி, தருமபுரி மாவட்டம், அரசு மேல்நிலைப் பள்ளி, துவாக்குடி, திருவெறும்பூர், திருச்சிராப்பள்ளி மாவட்டம், அரசு ஆண்கள் மே.நி.பள்ளி, தியாகதுருகம், கள்ளக்குறிச்சி மாவட்டம், லேடி வில்லிங்டன் அரசு மாதிரி மகளிர் மேல்நிலைப் பள்ளி, திருவல்லிக்கேணி, தேனாம்பேட்டை, சென்னை மாவட்டம், அரசு மேல்நிலைப் பள்ளி, அரசூர், சூலூர், கோயம்புத்தூர் மாவட்டம், அரசு மேல்நிலைப் பள்ளி, அரியகுடி, சாக்கோட்டை சிவகங்கை மாவட்டம், அரசு ஆண்கள் மேல்நிலைப் பள்ளி, காட்பாடி, வேலூர் மாவட்டம், தங்கம்மாள் பெரியசாமி நாடார் நகராட்சி மகளிர் மேல்நிலைப் பள்ளி, விருதுநகர் மாவட்டம்.

இதற்கான பாடத்திட்டம், மாநில கல்வியியல் ஆராய்ச்சி மற்றும் பயிற்சி நிறுவனம்
(SCERT) மூலம் அண்ணா பல்கலைக்கழகத்தின் ஆதரவுடன் தயாரிக்கப்பட்டு
உள்ளது. இப்பாடத்திட்டத்தில் வகுப்பு ஒன்றுக்கு 11 வகையான உபகரணங்கள் வாயிலாக 10
பரிசோதனைகள் உருவாக்கப்பட்டு 90% செய்முறை கற்றலுக்கு முக்கியத்துவம்
அளிக்கப்பட்டுள்ளது.

இதன் மூலம் 15 அரசுப் பள்ளிகளில் 6 முதல் 9 ஆம் வகுப்பு வரை பயிலும் மாணவர்கள் Multi-functional Robotics, STEM Workstation Powered by Prototyping Virtual Labs, Colour Sorter Programmable Robotics, Smart Dustbin Programmable Robotics, Hungry Robot Programmable Robotics, Life Size Voice Controlled Robot, DRONE இயக்கம் மற்றும் அடிப்படை மின்னணுவியல் ஆகிய தலைப்புகளில் வடிவமைக்கப்பட்டுள்ள இந்த Robotics Lab பாடத்திட்டமானது, மாணவர்களின் கற்றல் திறனில் ஒரு மிகப்பெரிய மாற்றத்தை ஏற்படுத்தும் வகையில் அமைந்துள்ளது.

தொழில்நுட்பத் திறன்: எளிய மின்சுற்றுகள் (Simple circuit), பிரட்போர்டு (Breadboard) பயன்பாடு மற்றும் சென்சார்கள் (Sensors – Ultrasonic, Gas sensor) ஆகியவற்றைக் கையாள்வதன் மூலம் மின்னணுவியல் மற்றும் பொறியியல் சார்ந்த அடிப்படை அறிவை வளர்த்துக் கொள்ள இயலும்.

படைப்பாற்றல் மற்றும் வடிவமைப்பு சிந்தனை: “Solar House”, “Frog Bot DIY”, “Smart Dustbin”, “Carnival Ride” போன்ற திட்டங்கள் மாணவர்களின் கற்பனைத் திறனையும், ஒரு பொருளை புதிதாக வடிவமைக்கும் (Design Thinking) திறனையும் ஊக்குவிக்கும்.
சிக்கல் தீர்க்கும் திறன் (Problem Solving): “Obstacle avoiding”, “Line Follower Robot” போன்ற தானியங்கி இயந்திரங்களை உருவாக்கும்போது ஏற்படும் நடைமுறை சிக்கல்களைக் கண்டறிந்து சரிசெய்வதன் மூலம் அவர்களின் பகுப்பாய்வு திறன்
மேம்படும்.

இன்றைய நவீன உலகம் செயற்கை நுண்ணறிவு (AI) மற்றும் ரோபாட்டிக்ஸ் துறையை நோக்கி நகர்கிறது. இவ்வகுப்புகள் மாணவர்களுக்கு எதிர்காலத்தில் பொறியாளர்கள், விஞ்ஞானிகள் மற்றும் தொழில்நுட்ப வல்லுநர்களாக உ உருவெடுக்கத் தேவையான வலுவான அடித்தளத்தை அமைத்துக் கொடுக்கும்.

மேற்கண்ட பள்ளிகள் அதனை சுற்றியுள்ள இதர பள்ளிகளுக்கு HUB பள்ளியாகச் செயல்பட்டு மற்ற பள்ளிகளின் மாணவர்களுக்கும் பயன்படும் வகையில் அமைக்கப்பட்டுள்ளன.

அண்டு இறுதியில் அண்ணா பல்கலைக்கழகத்தின் வாயிலாகச் செய்முறை மற்றும் எழுத்துத் தேர்வுகள் மேற்கொள்ளப்பட்டு, மாணவர்களுக்குச் சான்றிதழ்கள் வழங்கப்படும்.

எனவே, இந்த எந்திரவியல் ஆய்வகங்கள் வெறும் தொழில்நுட்பப் பயிற்சி மட்டுமல்ல; இது மாணவர்களின் சிந்தனை முறையையே மாற்றக்கூடிய ஒரு முழுமையான கல்வித் திட்டமாகும். இது அரசுப்பள்ளி மாணவர்களை நாளைய உலகின் சவால்களை எதிர்கொள்ளத் தயார் செய்து, திறன்மிக்க படைப்பாளர்களாக மாற்றும் என்பதில் ஐயமில்லை.

திருச்சி விஷன் செய்திகளை வாட்ஸ் அப் மூலம் அறிய…
https://chat.whatsapp.com/D2QYeuCTbUyCt93oWlOAgF

டெலிகிராம் மூலமும் அறிய…. https://t.me/trichyvision
https://www.threads.net/@trichy_vision