ஹேக்கத்தான் முதல் ஸ்டார்ட்அப் வரை – யோசனைகளை தாக்கமிக்க முயற்சிகளாக மாற்றுதல்” நிகழ்ச்சி

திருச்சி, இந்திரா கணேசன் கல்வி நிறுவனங்களின் ஆராய்ச்சி மற்றும் மேம்பாட்டு துறை மற்றும் StartupTN Pre-Incubation Center இணைந்து 05. 03.2026 அன்று “ஹேக்கத்தான் முதல் ஸ்டார்ட்அப் வரை – யோசனைகளை தாக்கமிக்க முயற்சிகளாக மாற்றுதல்” என்ற தலைப்பில் ஊக்கமூட்டும் நிகழ்ச்சியை ஏற்பாடு செய்தது.

இந்த நிகழ்ச்சிக்கு செயலாளர் G. இராஜசேகரன் அவர்கள் தலைமை தாங்கினார். இயக்குநர் Dr. G. பாலகிருஷ்ணன் அவர்கள் வாழ்த்துரை வழங்கி, மாணவர்கள் புதுமை செயல்பாடுகள், ஹேக்கத்தான் போட்டிகள் மற்றும் ஸ்டார்ட்அப் முயற்சிகளில் ஆர்வத்துடன் ஈடுபட வேண்டும் என்று ஊக்கமளித்தார்.

தொடர்ந்து பதிவாளர் Dr. M. அனுசுயா அவர்கள் முக்கிய உரை வழங்கி, ஆராய்ச்சி, தொழில்முனைவு மற்றும் புதுமை ஆகியவை இளைஞர்களின் எதிர்காலத்தை உருவாக்குவதில் முக்கிய பங்கு வகிப்பதை வலியுறுத்தினார்.

இந்த நிகழ்ச்சியின் வளநிலைப் பேச்சாளர் டிஜிப்ளஸ் நிறுவனத்தின் நிறுவனர் திரு. பாரத் மனோகரன் ஆவார். அவர் தனது உரையில் ஹேக்கத்தான்கள் புதிய யோசனைகளை உருவாக்கி அவற்றை வெற்றிகரமான ஸ்டார்ட்அப் முயற்சிகளாக மாற்றுவதற்கான சிறந்த தளமாக உள்ளன என்பதை விளக்கினார்.

மேலும், ஹேக்கத்தான் வழங்கல்களில் (presentation) பயன்படுத்தப்படும் சிறந்த (Pitch Deck) வடிவமைப்பு குறித்து விரிவாக எடுத்துரைத்து, பிரச்சினை விளக்கம், தீர்வு , வணிக மாதிரி, சந்தை வாய்ப்பு, சமூக மற்றும் பொருளாதார தாக்கம் போன்றவற்றை தெளிவாக எப்படி முன்வைக்க வேண்டும் என்பதையும் விளக்கினார்.

மேலும், தமிழ்நாடு அரசு மற்றும் இந்திய அரசால் வழங்கப்படும் பல்வேறு ஸ்டார்ட்அப் ஆதரவு திட்டங்கள், நிதி உதவிகள், இன்கியுபேஷன் மையங்கள், வழிகாட்டுதல் (Mentorship Programs), மற்றும் புதுமை மானியங்கள் பற்றியும் பயனுள்ள தகவல்களை பகிர்ந்தார்.

இந்த நிகழ்ச்சியில் இந்திரா கணேசன் பொறியியல் கல்லூரி, இந்திரா கணேசன் நர்சிங் கல்லூரி மற்றும் இந்திரா கணேசன் கல்வி நிறுவனங்களின் பிற கல்லூரிகளில் இருந்து மாணவர்கள் மற்றும் ஆசிரியர்கள் ஆர்வத்துடன் கலந்து கொண்டனர்.

நிகழ்ச்சியின் இறுதியில் நடைபெற்ற கலந்துரையாடல் அமர்வில் மாணவர்கள் பல்வேறு கேள்விகளை எழுப்பி, ஸ்டார்ட்அப் தொடங்குதல் மற்றும் தொழில்முனைவு வாய்ப்புகள் குறித்து வளநிலைப் பேச்சாளரிடமிருந்து பயனுள்ள வழிகாட்டுதல்களை பெற்றனர்.

மொத்தத்தில், இந்த நிகழ்ச்சி புதுமை, தொழில்முனைவு மற்றும் ஸ்டார்ட்அப் சூழல் குறித்து விழிப்புணர்வை ஏற்படுத்தி, மாணவர்கள் தங்கள் படைப்பாற்றல் யோசனைகளை நடைமுறை முயற்சிகளாக மாற்றுவதற்கான ஊக்கத்தை வழங்கியது.

திருச்சி விஷன் செய்திகளை வாட்ஸ் அப் மூலம் அறிய…
https://chat.whatsapp.com/D2QYeuCTbUyCt93oWlOAgF

டெலிகிராம் மூலமும் அறிய…. https://t.me/trichyvision
https://www.threads.net/@trichy_vision