திருச்சி கிழக்கில் க. ராஜசேகரன் சூறாவளி பிரச்சாரம்

திருச்சி கிழக்கு சட்டமன்றத் தொகுதியில் அஇஅதிமுக கூட்டணி வேட்பாளர் பொறியாளர் க. ராஜசேகரன் அவர்கள், இன்று (03.04.2026) மலைக்கோட்டை தெற்குப் பகுதிகளில் தீவிர தேர்தல் பிரச்சாரத்தில் ஈடுபட்டார். இந்தப் பிரச்சாரம் அரசியல் நிகழ்வை விட, சொந்த ஊர் உறவுகளை சந்திக்கும் உணர்வுபூர்வமான பயணமாக அமைந்தது.வாழ்க்கை நினைவுகளோடு இணைந்த பிரச்சாரம்காலை நேரத்தில் மலைக்கோட்டை மாணிக்க விநாயகர் கோவிலில் வழிபாடு செய்து தனது பிரச்சாரத்தைத் தொடங்கிய ராஜசேகரன், WB ரோடு மற்றும் சின்னக்கடை வீதி பகுதிகளில்

வியாபாரிகள் மற்றும் பொதுமக்களுடன் நெருக்கமாக கலந்துரையாடினார். இப்பகுதியில் உள்ள தனது எலக்ட்ரிக்கல் கடை காரணமாக, பல ஆண்டுகளாக அவர் இங்குள்ள மக்களுடன் நெருங்கிய தொடர்பில் இருந்து வருகிறார்.அதனைத் தொடர்ந்து, தான் கல்வி பயின்ற E.R. மேல்நிலைப் பள்ளி மற்றும் EMR சாலை பகுதிகளில் வாக்கு சேகரித்த போது, தனது மாணவர் கால நினைவுகளை பகிர்ந்து கொண்டு உணர்ச்சி வசப்பட்டார்.மாலை நேரத்தில் அந்தோணியார் கோவில் பகுதியில் அம்பேத்கர் சிலைக்கு மாலை அணிவித்து மரியாதை செலுத்திய அவர், சிறுவயது நண்பர்களை சந்தித்து பழைய நினைவுகளைப் பகிர்ந்து ஆதரவை பெற்றார்.

இரவு நேரத்தில் கீழக்கடை பஜார் பகுதியில் பிரச்சாரத்தை நிறைவு செய்தார். இப்பகுதியில் உள்ள வணிகர்களுடன் அவருக்கு நீண்டகால தொழில் மற்றும் நட்பு உறவுகள் உள்ளதால், அவருக்கு உற்சாகமான வரவேற்பு கிடைத்தது.
திருச்சி கிழக்கு தொகுதி மக்கள், அவரை வேட்பாளராக மட்டுமல்லாமல் “ராஜா அண்ணா” என அன்போடு அழைக்கின்றனர். இன்று அவர் சந்தித்த ஒவ்வொரு இடத்திலும், மக்களின் குறைகளை குடும்ப உறுப்பினராகக் கேட்டு தீர்வு காண்பதாக உறுதி அளித்தார்.
தனது சொந்த மண்ணில், நண்பர்கள் மற்றும் உறவினர்கள் மத்தியில் வலம் வந்த இந்தப் பிரச்சாரம், தொகுதியின் மீது அவர் கொண்டுள்ள ஆழ்ந்த பிணைப்பை வெளிப்படுத்தியது.
*திருச்சி விஷன் செய்திகளை வாட்ஸ் அப் மூலம் அறிய*
https://chat.whatsapp.com/JErJ2bWDTM5D4mAdBc3nOO?mode=gi_t
*திருச்சி விஷன் செய்திகளை மற்ற சமூக வலைதளங்களில் காண*
Instagram
https://www.instagram.com/trichy_vision?igsh=MXM2dHdrc2M1Z3Ryag==
*Telegram*
https://t.me/trichyvision
*Threads*
https://www.threads.net/@trichy_vision
*Twitter*
https://x.com/VisionTrichy
*Youtube*
https://youtube.com/@trichyvision3651?si=1RqWZPI32hJjwwav