பிளாக்ஸ்டோன் இந்தியாவின் முன்னாள் தலைவர் பங்குகளை வாங்கிய பிறகு என்னவானது தெரியுமா?
இந்தியாபுல்ஸ் ஹவுசிங் ஃபைனான்ஸ் லிமிடெட் பங்குகள் நேற்றைய வர்த்தகத்தின் இறுதியில் ரூபாய் 215.40 நிறைவு செய்தது, அதன் முந்தைய நாளின் விலையைவிட 0.96 சதவிகிதம் உயர்ந்து முடிந்தது. அதன் சந்தை மூலதனம் ரூபாய் 10,755 கோடியாக இருக்கிறது.
தனியார் நிறுவனமான பிளாக்ஸ்டோன் இந்தியாவின் முன்னாள் இணைத் தலைவரான மேத்யூ சிரியாக், இந்தியாபுல்ஸ் ஹவுசிங் ஃபைனான்ஸ் லிமிடெட்டில் ஒரு பங்கின் சராசரி விலை ரூபாய் 213.57க்கு கூடுதலாக 24.99 லட்சம் ஈக்விட்டி பங்குகளை அல்லது 0.52 சதவிகித செலுத்தப்பட்ட ஈக்விட்டியை வாங்கியுள்ளார். செப்டம்பர் 2023 நிலவரப்படி, மேத்யூ சிரியாக் நிறுவனத்தில் 48,11,019 ஈக்விட்டி பங்குகளைக் கொண்ட 1 சதவிகித பங்குகளை வைத்திருந்தார்.
இந்தியாபுல்ஸ் ஹவுசிங் ஃபைனான்ஸ் லிமிடெட் (IBHFL) மலிவு விலை வீட்டுப் பிரிவில் விரைவான, வசதியான மற்றும் போட்டி விலையில் வீட்டுக் கடன்களை வழங்குகிறது. மேலும் இது சிறு வணிகங்கள் மற்றும் MSME களுக்கு அவர்களின் சொத்து மற்றும் பலவற்றிற்கு கடன்களை வழங்குகிறது. இந்தியா முழுவதும் 200 அலுவலகங்கள் மற்றும் துபாயில் உள்ள பிரதிநிதி அலுவலகம், என்ஆர்ஐகள்/பிஐஓக்கள், மேன்பவர் 5,373, ஊழியர்கள் 4603, 151 கிளைகள் மற்றும் 8,000த்திற்கும் மேற்பட்ட கூட்டாளர்களுக்கு சேவைகளை வழங்கும் பரந்த நெட்வொர்க்கைக் கொண்டுள்ளது.
ஆக்சிஸ் வங்கி, ஐசிஐசிஐ வங்கி, ஐடிஎஃப்சி வங்கி, ஸ்டேட் பாங்க் ஆஃப் இந்தியா, டாய்ச் வங்கி, எச்டிஎஃப்சி வங்கி மற்றும் பல வங்கிகள் / பரஸ்பர நிதி நிறுவனங்களுடன் இது தொடர்ந்து வணிக உறவுகளைக் கொண்டுள்ளது. நிறுவனத்தின் செயல்பாடுகளின் வருவாய் ரூபாய் 2.94 சதவிகிதம் குறைந்துள்ளது. FY22ல் 8,983.31 கோடிகள். FY23ல் 8,719.28 கோடிகளாக இருக்கிறது, லாபம் ரூபாய் 1,177.74 கோடியிலிருந்து ரூபாய் 1,129.69 கோடியாகவும் குறைந்துள்ளது.
