மாற்றம் ஒன்றே மாறாதது - பிப்ரவரி அதிரடி!முக்கியமான ஆறு விஷயங்கள்
முக்கியமான ஆறு விஷயங்களை இங்கே பட்டியல் இட்டுருக்கிறோம் இதில் நீங்கள் கண்டிப்பாக கவனத்தை செலுத்த வேண்டும்.
1. NPS கணக்கிலிருந்து பணம் எடுப்பதற்கான விதிகள்... NPS கணக்கில் இருந்து பணம் எடுப்பதற்கான விதிகளில் PFRDA ஒரு பெரிய மாற்றத்தை செய்துள்ளது. ஜனவரி 12, 2024 அன்று வெளியிடப்பட்ட அறிவிப்பின்படி, இப்போது NPS கணக்கு வைத்திருப்பவர்கள் மொத்த டெபாசிட் தொகையில் 25 சதவிகிதத்தை மட்டுமே எடுக்க முடியும். மேலும், திரும்பப்பெறுவதற்கு, கணக்கு 3 ஆண்டுகளுக்கு மேல் இருந்திருக்க வேண்டும்.
2. IMPS விதிகளில் மாற்றங்கள்...பிப்ரவரி 1 முதல் ஐஎம்பிஎஸ் விதிகள் மாற்றப்பட உள்ளன. இப்போது எந்த பயனாளியின் பெயரையும் சேர்க்காமல் எந்த நபரும் 5 லட்சம் ரூபாய் வரை நிதியை மாற்ற முடியும். இதற்கான சுற்றறிக்கையை NPCI கடந்த அக்டோபர் 31ம் தேதி வெளியிட்டது. விதிகள் மாற்றத்திற்குப் பிறகு, இப்போது கணக்கு வைத்திருப்பவரின் கணக்கு எண் மற்றும் மொபைல் எண்ணைச் சேர்ப்பதன் மூலம் ஒரு கணக்கிலிருந்து மற்றொரு கணக்கிற்கு ரூபாய் 5 லட்சம் வரை மாற்றலாம் என மாற்றி அமைக்கப்பட்டிருக்கிறது.
3. FASTagல் KYC கட்டாயமாகிவிட்டது... FASTag விதிகளில் மாற்றங்களைச் செய்து KYC ஐ இணைக்க வேண்டும் NHAI இதனை கட்டாயமாக்கியுள்ளது. FASTagல் KYC முடிக்கப்படாத வாகனங்கள் செயலிழக்கச் செய்யப்படும். இதுபோன்ற சூழ்நிலையில், இந்த பணியை ஜனவரி 31ம் தேதிக்குள் அதாவது இன்றே நீங்கள் முடிக்க வேண்டும்.
4. SGBன் புதிய தவணை வெளியிடப்படுகிறது... நீங்கள் தங்கப் பத்திரத்தில் முதலீடு செய்ய விரும்பினால், இந்திய ரிசர்வ் வங்கி உங்களுக்கு ஒரு பொன்னான வாய்ப்பை மீண்டும் கொண்டு வருகிறது. நீங்கள் SGB 2023-24 தொடர் IVல் 12 பிப்ரவரி முதல் 16 பிப்ரவரி 2024 வரை முதலீடு செய்யலாம்.
5. எஸ்பிஐ வீட்டுக் கடன் சலுகை... பாரத ஸ்டேட் வங்கி தனது வாடிக்கையாளர்களுக்காக சிறப்பு வீட்டுக் கடன் பிரச்சாரத்தை நடத்தி வருகிறது. இதன் கீழ், வாடிக்கையாளர்கள் வீட்டுக் கடனில் 65 bps சிறப்பு தள்ளுபடியைப் பெறுகிறார்கள். இதனுடன், வாடிக்கையாளர்கள் செயலாக்க கட்டணத்தில் தள்ளுபடியின் பலனையும் பெறுகின்றனர். வாடிக்கையாளர்கள் இந்த சிறப்பு தள்ளுபடியை ஜனவரி 31, 2024 வரை பெறலாம் என்பது குறிப்பிடத்தக்கது.
6. பஞ்சாப் மற்றும் சிந்து வங்கி சிறப்பு FD திட்டம்... பஞ்சாப் & சிந்து வங்கி வாடிக்கையாளர்களுக்காக 444 நாள் சிறப்பு FD திட்டத்தை 'தனலட்சுமி 444 திவாஸ்' அறிமுகப்படுத்தியுள்ளது. இந்தத் திட்டத்தில் முதலீடு செய்வதன் மூலம், டெபாசிட் செய்யப்பட்ட தொகைக்கு 7.60 சதவிகித வட்டி பலனைப் பெறுவீர்கள். இந்தத் திட்டம் ஜனவரி 31, 2024 அன்று முடிகிறது.
