நேற்று பங்குச்சந்தைகளில் பிஎஸ்இ சென்செக்ஸ் குறியீடு 0.55 சதவிகிதம் உயர்ந்து கிட்டத்தட்ட 66,000 அளவிலும், என்எஸ்இ நிஃப்டி-50 இன்டெக்ஸ் குறியீடு 0.55 சதவிகிதம் உயர்ந்து 19,6530 என்ற அளவிலும் முடிவடைந்தன. சந்தைகள் உற்சாகத்துடன் உத்வேகம் எடுத்து திரும்பி இருக்கின்றன. இந்நிலையில் இந்த மல்டிபேக்கர் கம்பிகள் உற்பத்தி நிறுவனம் டிரெண்டிங்கில் உள்ளது.

இந்நிறுவனத்தின் இயக்குநர்கள் குழு 1:7 என்ற விகிதத்தில் போனஸ் பங்குகளை அங்கீகரித்துள்ளது, அதாவது, பதிவு தேதியின்படி, பெயரளவு மதிப்புள்ள ஒவ்வொரு 7 ஈக்விட்டி பங்குகளுக்கும் ரூபாய் 10 பெயரளவு மதிப்புள்ள 1 பங்கு பங்குகள் வழங்கப்பட இருக்கிறது. பிரபல இந்திய நடிகர் அமிதாப் பச்சன் இப்பங்குகளில் முதலீடு செய்திருக்கிறார், ஜூன் 2023 நிலவரப்படி நிறுவனத்தில் 2,81,112 பங்குகள் அல்லது 2.07 சதவிகித பங்குகளை வைத்திருக்கிறார்.

இந்நிறுவனம் ரூபாய் 900 கோடி சந்தை மூலதனத்தைக் கொண்டுள்ளது மற்றும் கடந்த 5 ஆண்டுகளில் 33.1 சதவிகித CAGR என்ற நல்ல லாப வளர்ச்சியை வழங்கியுள்ளது. நிறுவனம் அதன் காலாண்டு முடிவுகள் மற்றும் ஆண்டு முடிவுகளில் சிறந்த எண்ணிக்கையைப் பதிவு செய்துள்ளது. நிறுவனத்தின் பங்குகள் ROE 24 சதவிகிதமும் ROCE 32 சதவிகிதமுமாக உள்ளது. ஒரு வருடத்தில் பங்கு 60 சதவிகிதம் உயர்ந்துள்ளது மற்றும் 3 ஆண்டுகளில் 1,100 சதவிகிதத்திற்கும் அதிகமான மல்டிபேக்கர் வருமானத்தைக் கொடுத்துள்ளது.

வெள்ளியன்று நிறுவனத்தின் பங்குகள் 0.65 சதவிகிதம் உயர்ந்து ரூபாய் 659.75ல் வர்த்தகத்தை நிறைவு செய்தது 52 வார உயர்வாக ரூபாய் 724.95 ஆகவும், குறைவாக ரூபாய் 330.30 ஆகவும் இருந்தது. இப்படி உற்சாகத்தை வழங்கிய பங்கின் பெயர் D P WIRES LIMITED வர்த்தகமாகிறது.

டி பி வயர்ஸ் லிமிடெட் எஃகு கம்பிகள், பிளாஸ்டிக் பொருட்கள் தயாரிப்பது, பிளாஸ்டிக் பிலிம்கள் அமைப்பது, கமிஷன் ஏஜென்டாக செயல்பட்டு காற்றாலைகள் மூலம் மின்சாரம் உற்பத்தி செய்வது போன்றவற்றில் ஈடுபட்டுள்ளது. உங்கள் போர்ட்ஃபோலியோவில் இந்தப் பங்கை சிறுக சிறுக சேர்க்கச்சொல்கிறார்கள் வல்லுநர்கள்.

(Disclimer : கட்டுரை தகவல் நோக்கங்களுக்காக மட்டுமே முதலீட்டு ஆலோசனை அல்ல. உங்கள் முதலீட்டு ஆலோசகரை கலந்து முதலீட்டை மேற்கொள்ளுங்கள்.)

#திருச்சி விஷன் செய்திகளை வாட்ஸ் அப் மூலம் அறிய.... https://chat.whatsapp.com/DOwpV9QCMLgL8UqkbAZAxm

#டெலிகிராம் மூலமும் அறிய.... https://t.me/trichyvisionn

https://www.threads.net/@trichy_vision