செப்டம்பர் மாதம், செப்டம்பர் மாதம் வாழ்வின் துன்பத்தை துலைத்து விட்டோம்!!

ஒவ்வொரு மாதமும் நாட்டில் நிதி விதிகளில் சில மாற்றங்கள் ஏற்படுவது நாம் அறிந்ததுதான் அப்படி இம்மாதம் என்னென்ன மாற்றாங்கள் நடைபெற இருக்கிறது. இலவச ஆதார் அட்டை புதுப்பிப்புகள் முதல் கிரெடிட் வரை, செப்டம்பர் 2023ல் பல மாற்றங்கள் ஏற்படப்போகின்றன.

இது சாமானியர்களை நேரடியாகப் பாதிக்கும். அது உங்கள் பாக்கெட்டை எவ்வாறும் பாதிக்கலாம் என்பதை கவனத்தில் கொள்ளுங்கள்... அதே நேரத்தில், UIDAI ஆதார் பயனர்களுக்கு ஆதாரை இலவசமாக புதுப்பிக்கும் வசதியை வழங்குகிறது. எந்த ஆதார் பயனர்களும் தங்கள் ஆதார் அட்டையை இலவசமாக புதுப்பிக்கலாம். இந்த வசதி 14 செப்டம்பர் 2023 வரை மட்டுமே கிடைக்கும். 10 ஆண்டுகளாக ஆதார் அட்டையைப் புதுப்பிக்கவில்லை என்றால், ஆதார் அட்டையை விரைவில் புதுப்பிக்குமாறு ஆதார் பயனர்களை UIDAI வலியுறுத்தியுள்ளது.

இரண்டாயிரம் ரூபாய் நோட்டுகளை மாற்றவும், டெபாசிட் செய்யவும் 4 மாதங்கள் அவகாசம் வழங்கியது ரிசர்வ் வங்கி. 2000 ரூபாய் நோட்டுகள் புழக்கத்தில் இருந்து நீக்கப்படும் என மத்திய வங்கி கடந்த மே மாதம் அறிவித்தது. இதற்கு, 30 செப்டம்பர் 2023 வரை, வங்கி வரம்பை வழங்கியுள்ளது. இதுவரை 2 ஆயிரம் ரூபாய் நோட்டை மாற்றியிருந்தால், இந்த வேலையை செப்டம்பர் மாதத்திலேயே செய்து முடிக்க வேண்டும். வங்கிக்குச் செல்வதற்கு முன் விடுமுறையைப் பற்றி ஒருமுறை சரிபார்த்துக் கொள்ளவேண்டும்.

உங்கள் பான் கார்டு மற்றும் ஆதார் அட்டையை இணைக்கவில்லை என்றால், செப்டம்பர் 30க்குள் இந்த வேலையைச் செய்யுங்கள். யாரேனும் ஒருவர் தனது பான் கார்டு மற்றும் ஆதார் அட்டையை இணைக்கவில்லை என்றால், அக்டோபர் 1, 2023 அன்று, பான் கார்டு ரத்து செய்யப்படும் என்று அரசாங்கம் மீண்டும் கூறியுள்ளது. நீங்கள் பான் கார்டைப் பயன்படுத்தவில்லை என்றால், உங்கள் வங்கிக் கணக்கும் மூடப்படும் அபாயம் இருக்கிறது.

உங்கள் பான் கார்டு மற்றும் ஆதார் இணைக்கப்படாவிட்டால், அது உங்கள் டிமேட் கணக்கையும் பாதிக்கும். டிரேடிங் மற்றும் டீமேட் கணக்குகளில் பதிவு செய்வதற்கான காலக்கெடுவை செப்டம்பர் 30, 2023 வரை செபி நீட்டித்துள்ளது. டிமேட் கணக்கில் பரிந்துரைக்கப்படும் செயல்முறையை நீங்கள் முடிக்கவில்லை என்றால், செப்டம்பர் 30 ஆம் தேதிக்குள் இந்த வேலையை செய்து முடிக்கவும். அவ்வாறு முடிக்காத கணக்கை செயலற்றதாக SEBI அறிவிக்கும்.

நாட்டின் மிகப்பெரிய வங்கியான SBI மூத்த குடிமகனின் FDக்கான காலக்கெடு செப்டம்பர் 30, 2023 ஆகும். இதுபோன்ற சூழ்நிலையில், மூத்த குடிமக்கள் இந்தத் திட்டத்தில் செப்டம்பர் 30 வரை முதலீடு செய்யலாம். இதில், முதியோர்களுக்கு FDக்கு 7.50 சதவிகித வட்டி கிடைக்கும். SBI இன் இந்த FD திட்டத்தின் பெயர் SBI WeCare. இன்றே இப்பொழுதே மேற்சொன்ன விஷயங்களை முடித்துவிட்டால் ஹாயாக ஓய்வு எடுக்கலாம் என்ன சரிதானே!.

(Disclaimer : கட்டுரை தகவல் நோக்கங்களுக்காக மட்டுமே பரிந்துரை அல்ல. உங்கள் முதலீட்டு ஆலோசகரை கலந்து ஆலோசித்து முடிவெடுக்கவும்.)

#திருச்சி விஷன் செய்திகளை வாட்ஸ் அப் மூலம் அறிய.... https://chat.whatsapp.com/D0TGphikme7AsbscoQstiY

#டெலிகிராம் மூலமும் அறிய.... https://t.me/trichyvisionn

https://www.threads.net/@trichy_vision