திருச்சி ரெயில் நிலையத்தில் பராமரிப்பு பணி மேற்கொள்ள இருப்பதால் சில ரெயில்கள் மாற்றுப்பாதையிலும், சில ரெயில்கள் புறப்படும் நேரத்தில் மாற்றம் செய்யப்பட்டிருப்பதாகவும் தெற்கு ரெயில்வே தெரிவித்துள்ளது.

இதுகுறித்து, தெற்கு ரெயில்வே வெளியிட்டுள்ள செய்திக்குறிப்பில்..... காரைக்குடியில் இருந்து வரும் 13-ந்தேதி முதல் 21-ந்தேதி வரையில் காலை 9:40 மணிக்கு புறப்பட்டு திருச்சி செல்லும் பயணிகள் ரெயில் (வண்டி எண்.06888) ரத்து செய்யப்படுகிறது.

புறப்படும் இடம் மாற்றம்

மயிலாடுதுறையிலிருந்து வரும் 13-ந்தேதி முதல் 21-ந்தேதி வரை காலை 8:05 மணிக்கு புறப்பட்டு திருச்சி சந்திப்பு வரும் எக்ஸ்பிரஸ் ரெயில் (வண்டி எண்.16833) பொன்மலை வரை மட்டுமே இயக்கப்படும்.

ஈரோட்டில் இருந்து வரும் 13-ந்தேதி முதல் 21-ந்தேதி வரை காலை 8:10 மணிக்கு புறப்பட்டு திருச்சி சந்திப்பு வரும் பயணிகள் ரெயில் (06810), திருச்சி கோட்டை வரை மட்டுமே இயக்கப்படும்.

விழுப்புரத்தில் இருந்து வரும் 12-ந்தேதி முதல் 21-ந்தேதி வரை காலை 5:10 மணிக்கு புறப்பட்டு திருச்சி சந்திப்பு வரும் ரெயில் (06891), பொன்மலை வரை மட்டுமே இயக்கப்படும்.

பகுதி நேர ரத்து

திருச்சியிலிருந்து வரும் 11-ந்தேதி முதல் 21-ந்தேதி வரை மாலை 6:00 மணிக்கு புறப்பட்டு விழுப்புரம் செல்லும் ரெயில் (06892), அதற்கு மாற்றாக பொன்மலையில் இருந்து மாலை 6:09 மணிக்கு புறப்பட்டு விழுப்புரம் செல்லும். திருச்சி சந்திப்பு - பொன்மலை இடையே பகுதி நேர ரத்து செய்யப்படுகிறது.

திருச்சியிலிருந்து வரும் 11-ந்தேதி முதல் 21-ந்தேதி வரை மதியம் 1:10 மணிக்கு புறப்பட்டு மயிலாடுதுறை செல்லும் எக்ஸ்பிரஸ் ரெயில் (16834), அதற்கு மாற்றாக திருவெறும்பூரில் இருந்து மதியம் 1:25 மணிக்கு புறப்பட்டு மயிலாடுதுறை செல்லும். திருச்சி சந்திப்பு - திருவெறும்பூர் இடையே பகுதி நேர ரத்து செய்யப்படுகிறது.

திருச்சியிலிருந்து வரும் 11-ந்தேதி முதல் 21-ந்தேதி வரை மதியம் 1:00 மணிக்கு புறப்பட்டு பாலக்காடு டவுன் செல்லும் எக்ஸ்பிரஸ் ரெயில் (16843), அதற்கு மாற்றாக திருச்சி கோட்டையில் இருந்து மதியம் 1:12 மணிக்கு புறப்பட்டு பாலக்காடு டவுன் செல்லும். திருச்சி சந்திப்பு - திருச்சி கோட்டை இடையே பகுதி நேர ரத்து செய்யப்படுகிறது.

மாற்றுப்பாதை

ஜம்மு- காஷ்மீர் மாநிலம் ஸ்ரீ மாதா வைஷ்ணோ தேவி கத்ராவில் இருந்து வரும் 14-ந்தேதி இரவு 10:25 மணிக்கு புறப்பட்டு நெல்லை வரும் எக்ஸ்பிரஸ் ரெயில் (16788), கரூர், திண்டுக்கல் வழியாக நெல்லை செல்லும். திருச்சி சந்திப்பு ரெயில் நிலையம் செல்லாது.

தெலுங்கானா மாநிலம் காச்சிகுடாவில் இருந்து வரும் 17-ந்தேதி மாலை 3:45 மணிக்கு புறப்பட்டு நாகர்கோவில் வரும் வாரந்திர எக்ஸ்பிரஸ் ரெயில் (16353), கரூர், திண்டுக்கல் வழியாக நாகர்கோவில் செல்லும். திருச்சி சந்திப்பு ரெயில் நிலையம் செல்லாது.

#திருச்சி விஷன் செய்திகளை வாட்ஸ் அப் மூலம் அறிய... https://chat.whatsapp.com/LYWjbKaEy206I5aquHTp81

#டெலிகிராம் மூலமும் அறிய.... https://t.me/trichyvision

https://www.threads.net/@trichy_vision