ஸ்ரீரங்கம் கோவிலில் ரெங்கநாச்சியார் ஊஞ்சல் உற்சவம் இன்று (06.11.2021) தொடங்குகிறது

திருச்சி ஸ்ரீரங்கம் ரங்கநாதர் கோவிலில் ஆண்டுதோறும் ரெங்க நாச்சியார் ஊஞ்சல் உற்சவம் ஏழு நாட்கள் கொண்டாடப்படும். இந்த ஆண்டு நவம்பர் 6ஆம் தேதி தொடங்கி வருகிற 12-ம் தேதி வரை நடைபெறுகிறது. இந்நிகழ்வு டோலோஸ்தவம் என்று அழைக்கப்படுகிறது. ஊஞ்சல் உற்சவத்தையொட்டி இன்று மாலை 5.30 மணிக்கு ரெங்கநாச்சியார் மூலஸ்தானத்திலிருந்து புறப்பட்டு மாலை 6 மணிக்கு ஊஞ்சல் மண்டபம் வந்தடைகிறார். அங்கு இரவு 7 மணி முதல் 8 மணி வரை ஊஞ்சல் உற்சவம் கண்டருளுகிறார். 

பின்னர் இரவு 9 மணிக்கு ஊஞ்சல் மண்டபத்தில் இருந்து புறப்பட்டு இரவு 9.30 மணிக்கு மூலஸ்தானம் சென்றடைகிறார். ஊஞ்சல் உற்சவ நாட்களில் காலை 6.30 மணி முதல் காலை 7.30 மணி வரை,காலை 9 மணி முதல் நண்பகல் 12 மணி வரை, மாலை 5.30மணி முதல் இரவு 8 மணி வரை மூலவர் சேவை உண்டு. மாலை 3 மணி முதல் மாலை 5 மணி வரை, இரவு 8.30 மணிக்கு மேல் மூலவர் சேவை கிடையாது.

திருச்சி_விஷன் செய்திகளை வாட்ஸ் அப் வழி அறிய....
https://chat.whatsapp.com/EtMAlm0CVDVGKgF2tRCUHW

டெலிகிராம் மூலமும் அறிய...
https://t.me/Trichyvision