30 வகையான சட்னியுடன் ஏழு ரூபாய்க்கு இட்லி - ருசியான வீட்டு இரவு கடை

திருச்சி தஞ்சை தேசிய நெடுஞ்சாலையில் திருவரம்பூர் அருகே எழில் நகர் செல்லக்கூடிய பாதையில் இரவு நேரத்தில் டிபன் கடை வைத்து நடத்துபவர் முகமது ஷரீப் . 2019 ஆம் ஆண்டு பிஹெச்எல் பணிபுரிந்து ஓய்வு பெற்றவர். 2019 ம் ஆண்டு ஜனவரி மாதம் நினைவூட்டும் இட்லி கடை என்ற பெயரில் கடை திறந்தார். மூன்று மாதத்தில் கோவிட் தொற்று காரணமாக கடை மூட வேண்டிய நிலை ஏற்பட்டது. மாலை ஆறு மணி முதல் 9 மணி வரை டிபன் கடை செயல்படும்.  இட்லி கடை எல்லா இடங்களிலும் வைத்திருப்பார்களே இந்த இட்லி கடைக்கு அப்படி என்ன பேமஸ் என்று கேட்டால் ஒரு இட்லி விலை 7 ரூபாய் அதற்குத் தரும் சட்டினி வகைகளோ 30.

முதலில் ஐந்து ரூபாய்க்கு  இட்லி  கொடுத்தார்.  தன்னிடம் வாடிக்கையாளர்களே கட்டுபடியாகாது உணவின் தரம் மிகவும் முக்கியம் என நீங்கள் நினைப்பதால் அதற்கான விலையை நாங்களே குறிப்பிடுகிறோம் என்றனர். ஏனென்றால் அவர்  லாபம் சம்பாதிப்பதற்காக உணவகத்தை துவங்கவில்லை நாவில் ருசி, நலத்துடன் வாடிக்கையாளர்கள் நீண்ட நாள் வ ஆரோக்கியத்துடன் வாழ வேண்டும் என்ற எண்ணத்தில் துவங்கியுள்ளார் என தெரிவித்தனர்.

மேலும் இவர் சமையலுக்கு பயன்படுத்தும் அனைத்து வகையான பொருட்களும் மிகவும் வெளிப்படையாக வைக்கப்பட்டுள்ளது.பொதுவாக இவர் கடைக்கு உணவருந்த வருபவர்கள் குடும்பத்துடன் வரும் பொழுது இங்கு வந்து குழந்தைகளை யாரும் திட்டக்கூடாது. அவர்களுக்கு என்ன வேண்டும் என்பதை அவர்கள் கேட்பதை சாப்பிட அனுமதி அளிக்க வேண்டும் .குழந்தைகளை திட்டினால் நாங்கள் பெற்றோர்களை திட்டுவோம் என்று உரிமையுடன் குறிப்பிடுகிறார்.

 இங்கு வரும் அனைவருமே என்னை உறவு முறையில்தான் அழைத்து வருகிறார்கள். அந்த அளவுக்கு  அவர்கள் வீட்டில் உணவு அருந்துவது போல் உள்ள சூழ்நிலையை உருவாக்கி உள்ளோம். தன்னுடைய வாழ்நாளில் ஆயிரக்கணக்கான உணவகங்களில் உணவருந்திய கசப்பான, இனிப்பான சம்பவங்களை பிரித்து இனிப்பான சம்பவங்களை மட்டுமே தன் வாடிக்கையாளர்களுக்கு தர வேண்டுமென எண்ணத்தில் உருவாக்கியது தான் என்றும் மனதில் நிற்கும் நினைவூட்டும் இட்லி கடை என்றார்.

 வெளிநாடுகளில் இருந்து வேலை பார்ப்பவர்கள் இங்கு  விடுமுறைக்கு வந்த நாட்களில் தொடர்ந்து இரவில் உணவருந்தி வருவதாகவும் அவ்வளவு ருசியாக இருப்பதாகவும் குறிப்பிடுகின்றனர். சிறு குழந்தைகள் முதல் வயதானவர்களுக்கு தேவையான அனைத்து வகையான காரம் உப்பு என அனைத்தும் அளவுடன் சமைத்து இங்கே வைக்கப்படுகிறது. மருத்துவரின் ஆலோசனைப்படி உரிய நேரத்தில் உணவருந்த என்னென்ன உணவுகளை உட்கொள்ள வேண்டும் என்பதையும் அதற்காகத்தான் இந்த 30 வகையான சட்டினி. 

மாலை 6 மணிக்கு மேல் சென்றாலே இவரது கடையில் வாடிக்கையாளர்கள் நிரம்பி வழிகிறார்கள். பார்சல்களில் இவ்வளவு வகையான சட்னிகளை அவர் கொடுப்பதில்லை இங்கு வந்து அமர்ந்து உணவருந்துபவர்களுக்கு மட்டும் தான் 30 வகை சட்னி.

 சாப்பிடுவதற்கு மட்டுமே இங்கு வாய் திறக்கலாம் .இட்லி ,தோசை, சப்பாத்தி  உணவுகள் தவிர டீ காபி குளிர்பானங்கள் கூட கொடுப்பதில்லை. சைவ உணவுகளை விட சைவ உணவுகள் தான் உடலுக்கு ஆரோக்கியத்தையும் உடல்நல கோளாறு ஏற்படாமல் இருக்கும் என்ற எண்ணத்தில் சைவ உணவுகளை மட்டுமே 100% கொடுத்து வருவதாக குறிப்பிட்டார்.