திருச்சி காவல் சரகத்தில் 34 ஆடு திருட்டு வழக்கு பதிவு 147 ஆடுகள் மீட்பு

திருச்சி மத்திய மண்டல காவல்துறைத் தலைவர் அவர்களின் அறிவுறுத்தலின் பேரில் திருச்சி சரக காவல்துறை துணைத்தலைவர் அவர்களின் மேற்பார்வையில் கடந்த 23.11.2021-ந் தேதி ஆடு திருடும் நபர்களை பிடிப்பதற்காக 1 உதவி ஆய்வாளர் தலைமையில் 3 காவலர்களை உள்ளடக்கிய தனிப்படை திருச்சி சரக அளவில் அமைக்கப்பட்டது.

மேலும் அனைத்து மாவட்டங்களிலும் ஆடு திருடும் கும்பல் மீது நடவடிக்கை எடுக்க அறிவுறுத்தப்பட்டது. இதன்படி நேற்றைய தினம் புதுக்கோட்டை மாவட்டத்தில் 2 குற்றவாளிகள் கைது செய்யப்பட்டு 2 வழக்குகள் பதிவு செய்யப்பட்டு அவர்களிடமிருந்து சுமார் ரூ.60,000/ மதிப்புள்ள 12 ஆடுகள் மீட்கப்பட்டுள்ளது மற்றும் ஆடுகள் திருடுவதற்காக அவர்கள் பயன்படுத்திய 1 கார் பறிமுதல் செய்யப்பட்டது.

மேலும் 23.11.21 முதல் 21.01.22 வரை திருச்சி சரகத்திற்குட்பட்ட (திருச்சி, புதுக்கோட்டை, கரூர் மற்றும் பெரம்பலூர்) ஆகிய மாவட்டங்களில் ஆடு திருட்டு சம்மந்தமாக மொத்தம் 34 வழக்குகள் (திருச்சி 14. புதுக்கோட்டை கரூர்- 1, பெரம்பலூர் - 5) பதிவு செய்யப்பட்டு 14 குற்றவாளிகள் கைது செய்யப்பட்டு அவர்களிடமிருந்து சுமார் ரூ.7,35,000/- மதிப்புள்ள 147 ஆடுகள் மீட்கப்பட்டுள்ளது.

அவர்கள் ஆடு திருடுவதற்காக பயன்படுத்திய 8 வாகனங்கள் (கார்-3, டாடா ஏசி-2, இருசக்கர வாகனம் -3) பறிமுதல் செய்யப்பட்டுள்ளது. மீட்கப்பட்ட ஆடுகள் நீதிமன்றம் மூலம் உரியவர்களிடம் ஒப்படைக்கப்பட்டு குற்றவாளிகள் நீதிமன்ற காவலுக்கு அனுப்பப்பட்டுள்ளனர். மேலும் ஆடு திருடுபவர்களை தொடர்ந்து கண்காணித்து நடவடிக்கை எடுக்க சரக தனிப்படையினருக்கு அறிவுறுத்தப்பட்டுள்ளது.

#திருச்சி_விஷன் செய்திகளை வாட்ஸ் அப் வழி அறிய....
https://chat.whatsapp.com/FrMhB48CtP5DIvpG3AUAT0

#டெலிகிராம் மூலமும் அறிய...
https://t.me/trichyvisionn