80 பைசா முதல் 124 ரூபாய் வரை மலைக்க வைத்த மல்டிபேக்கர் இரண்டே ஆண்டுகளில் இனிக்க வைத்தது
செப்டம்பர் 11, 2023 அன்று 20,000 புள்ளிகளை முதன்முதலில் தொட்டது நிஃப்டி.20,000 புள்ளிகள் முதல் 21,000 புள்ளிகளை தொட 61 அமர்வுகள் தேவைப்பட்டது, மாநிலத் தேர்தல் முடிவுகள் ரிசர்வ் வங்கி ரெப்போ விகிதம், புவிசார் அரசியல் சிக்கல்களில் எளிமை மற்றும் பல போன்ற பல காரணிகள் இந்தப் பேரணிக்கு பங்களித்துள்ளன. பல பங்குகள் அதன் மல்டிபேக்கர் வருமானத்துடன் முதலீட்டாளர்களின் அதிர்ஷ்டத்தைக் அள்ளிக்கொடுத்துள்ளது, 2 ஆண்டுகளில் அதன் பங்குதாரர்களுக்கு 15,237 சதவிகித மல்டிபேக்கர் வருமானத்தை வழங்கிய ஸ்மால்-கேப் பங்கு பற்றி பார்ப்போமா !
சந்தை மூலதனம் ரூபாய் 2,073 கோடிகள் கொண்ட , Mercury EV-Tech Ltdன் பங்குகள் வெள்ளிக்கிழமை வர்த்தக அமர்வில் அதன் முந்தைய முடிவான ரூபாய் 118.37 உடன் ஒப்பிடும்போது ரூபாய் 124.23ல் வர்த்தகத்தை நிறைவு செய்தது. பங்குகள் 5 சதவிகிதம் அப்பர் சர்க்யூட்டில் வர்த்தகமானது ரூபாய் 124.23, இது இந்நிறுவனத்தின் புதிய 52 வார உயர்வாக பதிவு செய்யப்பட்டுள்ளது. டிசம்பர் 2021ல், பங்கின் விலை 80 பைசாவில் வர்த்தகமானது, தற்போதைய விலையுடன் ஒப்பிடும்போது சுமார் 15,237 சதவிகிதம் லாபத்தை அள்ளித்தெளித்து இருக்கிறது. உதாரணமாக, யாராவது இரண்டு ஆண்டுகளுக்கு முன்பு நிறுவனத்தின் பங்குகளில் ரூபாய் ஒரு லட்சத்தை முதலீடு செய்ந்திருந்தால் 1,25,000ம் பங்குகளை வாங்கி இருக்க முடியும் அது இப்போது 1,55,28,750 ரூபாயாக மாறியிருக்கும்.
நிதிநிலை அறிக்கைகளைப் பார்க்கும்போது, கடந்த இரண்டு நிதியாண்டுகளில், இயக்க வருவாய் மற்றும் நிகர லாபம் அதிகரித்துள்ளதாக அறிக்கையிடுவதில் நிறுவனம் வெற்றியடைந்துள்ளது. 21-22 நிதியாண்டில் ரூபாய் 1.18 கோடியாக இருந்த செயல்பாட்டு வருவாய் 22-23 நிதியாண்டில் ரூபாய் 13.42 கோடியாக உயர்ந்தது, மேலும் நிகர லாபம், காலவரையறையை வைத்து ரூபாய் 22 லட்சத்தில் இருந்து ரூபாய் 88 லட்சமாக உயர்ந்துள்ளது.
கடந்த நிதியாண்டில் செலவினங்களின் அதிகரிப்பு காரணமாக நிறுவனத்தின் நிதி விகிதங்கள் குறைந்துள்ளன. 21-22 நிதியாண்டில் 17.06 சதவிகிதமாக இருந்த ஈக்விட்டி மீதான வருமானம் 22-23 நிதியாண்டில் 5.43 சதவிகிதமாக குறைந்துள்ளது. மேலும், இதே காலக்கட்டத்தில் மூலதனத்தின் மீதான வருமானம் (RoCE) 17.06 சதவிகிதத்தில் இருந்து 5.43 சதவிகிதமாக குறைந்துள்ளது.
இதற்கு முன் ஏப்ரல் மாதத்தில், மெர்குரி ஈவி-டெக் லிமிடெட்டின் துணை நிறுவனமான பவர்மெட்ஸ் எனர்ஜி பிரைவேட் லிமிடெட் இந்தியாவின் முன்னணி 2W EV உற்பத்தியாளர்களில் ஒருவருக்கு E2W பேட்டரிகளை வழங்க 1,100 மில்லியன். மற்றும் மார்ச் 31, 2022 அன்று, நிறுவனம் காவிட் இன்ஃப்ரா ப்ராஜெக்ட்ஸ் பிரைவேட் லிமிடெட் நிறுவனத்தில் 100 சதவிகித பங்குகளை வாங்கியது குறிப்பிடத்தாக்கது, இந்நிறுவனத்தின் 100 சதவிகித முழு சொந்தமான துணை நிறுவனமாக மாறியது. 2025ம் ஆண்டிலிருந்து அரசின் நோக்கமான மின்சார வாகனங்களை நோக்கி இரு சக்கர வாகனப் பிரிவின் அதிவேக மாடல்களில் நிறுவனத்தின் கவனம் தொடர்ந்து வளரும் என்று நம்பப்படுகிறது.
வதோதராவைத் தலைமையிடமாகக் கொண்டு, மெர்குரி EV-டெக் லிமிடெட் 1986ல் இணைக்கப்பட்டது. நிறுவனம் இந்தியாவில் எலக்ட்ரிக் ஸ்கூட்டர்கள், எலக்ட்ரிக் கார்கள், எலக்ட்ரிக் பேருந்துகள், எலக்ட்ரிக் விண்டேஜ் கார்கள், எலக்ட்ரிக் கோல்ஃப் கார்கள் மற்றும் பிற மின்சார வாகனங்களைத் தயாரிக்கிறது.
(Disclimer : முதலீட்டு வல்லுநர்கள் வெளிப்படுத்தும் கருத்துகள் மற்றும் முதலீட்டு உதவிக்குறிப்புகள் அவர்களின் சொந்தமே தவிர இணையதளம் அல்லது அதன் நிர்வாகத்தின் கருத்துகள் அல்ல.)
