திருச்சிராப்பள்ளி மாநகராட்சிக்குட்பட்ட 140 திருச்சிராப்பள்ளி (மேற்கு) மற்றும்141 திருச்சிராப்பள்ளி (கிழக்கு) சட்டமன்ற தொகுதிகளில் (01.01.2025)ஐ தகுதி ஏற்பு நாளாக கொண்டு சிறப்பு சுருக்கத் திருத்தப் பட்டியல் இறுதி வாக்காளர் பட்டியல் (06.01.2025) இன்று திருச்சிராப்பள்ளி மாநகராட்சி மைய அலுவலகத்தில் ஆணையர் வே.சரவணன், தலைமையில் இறுதி வாக்காளர் பட்டியல் அங்கீகரிக்கப்பட்ட அரசியல் கட்சியினர் முன்னிலையில் வெளியிட்டார். இந்நிகழ்வில் மாநகராட்சி மேயர் அன்பழகன், துணை ஆணையர் கே.பாலு மற்றும் அனைத்து கட்சி பிரமுகர்கள் கலந்து கொண்டார்கள்.

இந்திய தேர்தல் ஆணையத்தின் உத்தரவின் படி திருச்சிராப்பள்ளி மாவட்டத்திற்கு உட்பட்ட 9 சட்டமன்ற தொகுதிகளுக்கும் இறுதி வாக்காளர் பட்டியலை திருச்சிராப்பள்ளி மாவட்ட தேர்தல் அலுவலர் / மாவட்ட ஆட்சித் தலைவர் மா.பிரதீப் குமார், அனைத்து அங்கீகரிக்கப்பட்ட அரசியல் கட்சி பிரமுகர்கள் முன்னிலையில் இன்று (06.01.2025) மாவட்ட ஆட்சியர் அலுவலக கூட்ட அரங்கில் வெளியிட்டார்.

இந்திய தேர்தல் ஆணையத்தின் உத்தரவுப்படி 01.01.2025-ஐ தகுதி ஏற்பு நாளாக கொண்டு திருச்சிராப்பள்ளி மாவட்டத்திற்குட்பட்ட 9 சட்டமன்றத் தொகுதிகளிலும் 2025 ஆம் ஆண்டின் சிறப்பு சுருக்க முறை திருத்தும் (29.10.2024) முதல் (30.11.2024) வரை நடைபெற்றது. அதனடிப்படையில் தற்போது 2025-ஆம் ஆண்டின் சிறப்பு சுருக்க முறை திருத்தம் பணிகள் முடிவற்றதை தொடர்ந்து இன்று (06.01.2025) இறுதி வாக்காளர் பட்டியல் வெளியிடப்பட்டது.

மேற்படி பட்டியலின்படி, திருச்சிராப்பள்ளி மாவட்டத்தில் உள்ள ஒன்பது சட்டமன்ற தொகுதிகளுக்கான 2025-ஆம் ஆண்டின் இறுதி வாக்காளர் பட்டியல் வெளியிடப்பட்டதன் அடிப்படையில் கீழ்கண்ட விபரங்கள் உள்ளது.

1. அதிக வாக்காளர்களை கொண்ட தொகுதி 138-ஸ்ரீரங்கம் சட்டமன்ற தொகுதி 3,12,029.

2. குறைவான வாக்காளர்களை கொண்ட தொகுதி -143-இலால்குடி சட்டமன்ற தொகுதி -2,22,853,

3. 2011 ஆம் ஆண்டு மக்கள் தொகை கணக்கெடுப்பு அடிப்படையில் இறுதி வாக்காளர் பட்டியலில் பாலின விகிதம் 1065/1000 (பெண்கள் / ஆண்கள்).

4. தற்போது (06.01.2025) இறுதி வாக்காளர் பட்டியலில் உள்ள மொத்த வாக்கு சாவடிகள் 2543.

5. வரைவு வாக்காளர் பட்டியல் வெளியிடப்பட்ட (29.10.2024) பின்னர் படிவம் 6-இன் மூலம் புதிதாக சேர்க்கப்பட்ட இளம் வாக்காளர்கள் எண்ணிக்கை - 52697.

6. வரைவு வாக்காளர் பட்டியல் வெளியிடப்பட்ட (29.10.2024) பின்னர் இறந்த, நிரந்தரமாக குடிபெயர்ந்த மற்றும் இரட்டைப்பதிவு வாக்காளர்கள் படிவம் 7 மூலம் நீக்கம் செய்யப்பட்ட வாக்காளர்கள் எண்ணிக்கை 18773.

திருச்சிராப்பள்ளி மாவட்டத்தில் 01.01.2025-ஐ தகுதி ஏற்பு நாளாக கொண்டு இன்று (06.01.2025) வெளியிடப்பட்ட இறுதி வாக்காளர் பட்டியலின்படி புதிதாக 52697 வாக்காளர்கள் சேர்கப்பட்டும், 18773 வாக்காளர்கள் நீக்கப்பட்டும் உள்ளனர். தற்போது இறுதி வாக்காளர் பட்டியலின்படி திருச்சிராப்பள்ளி மாவட்டத்தில் 11,36,640 ஆண் வாக்காளர்களும், 12,10,847 பெண் வாக்காளர்களும், 365 மூன்றாம் பாலினத்தவர்களும் ஆக மொத்தம் 23,47,852 வாக்காளர்கள் வாக்காளர் பட்டியலில் இடம்பெற்றுள்ளனர்.

மேலும் திருச்சிராப்பள்ளி மாவட்டத்தை சேர்ந்த இந்திய இராணுவத்தில் பணிபுரிந்துவரும் 1228 வாக்காளர்கள் வாக்காளர் பட்டியலின் இறுதியில் இடம்பெற்றுள்ளனர். இன்று (06.01.2025) திருச்சிராப்பள்ளி மாவட்டத்தில் உள்ள 9 சட்டமன்ற தொகுதிகளுக்குமான இறுதி வாக்காளர் பட்டியல் திருச்சிராப்ள்ளி மாவட்ட தேர்தல் அலுவலர் மற்றும் மாவட்ட ஆட்சித்தலைவர் அவர்களால் அனைத்து அங்கீகரிக்கப்பட்ட அரசியல் கட்சியின் பிரதிநிதிகள் முன்னிலையில் வெளியிடப்பட்டது.

மேற்படி இறுதி வாக்காளர் பட்டியல் அனைத்து வாக்குசாவடி மையங்களிலும், அனைத்து வாக்காளர் பதிவு அலுவலர் அலுவலகங்கள் / வருவாய் கோட்டாட்சியர் அலுவலகங்கள் / திருச்சிராப்பள்ளி மாநகராட்சி அலுவலகம் மற்றும் அனைத்து உதவி வாக்காளர் பதிவு அலுவலர் அலுவலகங்கள் / வருவாய் வட்டாட்சியர் அலுவலகங்களில் பொதுமக்களின் பார்வைக்காக வைக்கப்பட்டுள்ளது. வாக்காளர்கள் தங்களது பெயர் மற்றும் விபரங்களை இறுதிவாக்காளர் பட்டியலில் சரிபார்த்துக்கொள்ளுமாறு கட்டுக்கொள்ளப்படுகிறார்கள். மேலும் தங்களது https://electoralsearch.eci.gov.in/, https://voters.eci.gov.in/ என்ற இணைதள முகவரியிலும் சரிபார்த்துக்கொள்ளலாம்.

இந்நிகழ்வில் மாவட்ட வருவாய் அலுவலர் ர.ராஜலட்சுமி. மாவட்ட ஆட்சியரின் நேர்முக உதவியாளர் (தேர்தல்) வில்சன் ராஜசேகரன், தேர்தல் வட்டாட்சியர் செல்வகணேஷ் மற்றும் அங்கீகரிக்கப்பட்ட அரசியல் கட்சி பிரமுகர்கள் உள்ளிட்ட பலர் கலந்து கொண்டனர்.

#திருச்சி விஷன் செய்திகளை வாட்ஸ் அப் மூலம் அறிய... https://chat.whatsapp.com/H58t6nW18bYCrFMtKLqSfu

#டெலிகிராம் மூலமும் அறிய.... https://t.me/trichyvision

https://www.threads.net/@trichy_vision