உங்களுக்கு 40 வயதாகிவிட்டதால், மாதம் ரூபாய் 5,000 உத்தரவாத ஓய்வூதியம் பெற வேண்டுமா ? ஆம் எனில், உத்தரவாதமான ஓய்வூதியத்தை வழங்கும் முதலீட்டு விருப்பத்தை நீங்கள் எதிர் பார்க்கிறீர்கள். அப்படி ஒரு திட்டத்தின் பெயர்தான் அடல் பென்ஷன் யோஜனா (APY). குறைந்தபட்ச முதலீட்டில் ஒவ்வொரு மாதமும் ரூபாய் 5,000 வரை உத்தரவாதமான ஓய்வூதியத்தைப் பெறுவது எப்படி என இங்கே பார்க்க்கலாமா ?

2015-16 பட்ஜெட்டில் அடல் பென்ஷன் யோஜனா என்பது வயதான காலத்தில் வருமான பாதுகாப்பை வழங்கும் மத்திய அரசின் திட்டமாகும். இது அமைப்பு சாரா துறையின் அனைத்து குடிமக்களையும் மனதில் வைத்து உருவாக்கப்பட்டது. ஓய்வூதியத்திற்காக சேமிக்க மக்களை ஊக்குவிக்க அரசாங்கம் முயற்சிக்கிறது. 

அமைப்புசாராத் துறையில் பணிபுரியும் தொழிலாளர்களின் ஓய்வுக்குப் பின் ஏற்படும் வருமானப் பிரச்னைகளைத் தீர்க்கும் வகையில் இந்தத் திட்டம் உருவாக்கப்பட்டது. அடல் பென்ஷன் யோஜனா ஓய்வூதிய நிதி ஒழுங்குமுறை மற்றும் மேம்பாட்டு ஆணையத்தால் (PFRDA) நடத்தப்படுகிறது. ஒவ்வொரு மாதமும் ரூபாய் 210 செலுத்த வேண்டும்.

தற்போதைய விதிகளின்படி, 18 வயதில் மாதாந்திர ஓய்வூதியத் திட்டத்தில் அதிகபட்சமாக ரூபாய் 5,000 சேர்த்தால், ஒவ்வொரு மாதமும் ரூபாய் 210 அதாவது ஒரு நாளைக்கு ரூபாய் 7 செலுத்த வேண்டும். இதே தொகையை மூன்று மாதங்களுக்கு ஒருமுறை செலுத்தினால், 626 ரூபாயும், ஆறு மாதங்களுக்கு ஒருமுறை செலுத்தினால், 1,239 ரூபாயும் செலுத்த வேண்டும். மாதம் ரூபாய் 1,000 ஓய்வூதியம் பெற, 18 வயதில் முதலீடு செய்தால், மாதம் ரூபாய் 42 செலுத்த வேண்டும்.

அடல் பென்ஷன் யோஜனா திட்டத்தின் நோக்கம் சமூகத்தின் ஒவ்வொரு பிரிவினரையும் ஓய்வூதிய வரம்பிற்குள் கொண்டு வருவதே ஆகும். இத்திட்டத்தின் கீழ், கணக்கில் ஒவ்வொரு மாதமும் நிலையான பங்களிப்பைச் செய்த பிறகு, உங்களுக்கு மாத ஓய்வூதியமாக ரூபாய் 1,000 முதல் ரூபாய் 5,000 வரை கிடைக்கும். ஒவ்வொரு 6 மாதங்களுக்கும் 1239 ரூபாய் மட்டுமே முதலீடு செய்வதன் மூலம் 60 வயதிற்குப் பிறகு ஆண்டுக்கு 5000 ரூபாய் வாழ்நாள் ஓய்வூதியமாக அரசாங்கம் உத்தரவாதம் அளிக்கிறது.

நீங்கள் 35 வயதில் 5,000 ரூபாய் ஓய்வூதியத்திற்காக சேர்ந்தீர்கள் என்று வைத்துக்கொள்வோம், பிறகு நீங்கள் 25 ஆண்டுகளுக்கு ஒவ்வொரு 6 மாதங்களுக்கும் 5,323 ரூபாய் டெபாசிட் செய்ய வேண்டும். அத்தகைய சூழ்நிலையில், உங்களின் மொத்த முதலீடு ரூபாய் 2.66 லட்சமாக இருக்கும், அதில் உங்களுக்கு மாத ஓய்வூதியமாக ரூபாய் 5 ஆயிரம் கிடைக்கும். அதேசமயம் நீங்கள் 18 வயதில் சேர்ந்தால், உங்கள் மொத்த முதலீடு ரூபாய் 1.04 லட்சம் மட்டுமே. அதாவது, ஒரே ஓய்வூதியத்திற்கு, சுமார் 1.60 லட்சம் ரூபாய் அதிகமாக முதலீடு செய்ய வேண்டும்.

#திருச்சி விஷன் செய்திகளை வாட்ஸ் அப் மூலம் அறிய.... https://chat.whatsapp.com/DkbBJvl0HIfFrIqTcgIjdS

#டெலிகிராம் மூலமும் அறிய.... https://t.me/trichyvision

https://www.threads.net/@trichy_vision