திருச்சியை பூர்விமாகக் கொண்ட இளங்கோவன் குப்புசாமி என்பவரின் மகன் மணமகன் ஹரி கிருஷ்ணன் மற்றும் அமெரிக்க நாட்டை சேர்ந்த சனம் என்பவருக்கும் திருச்சியில் தமிழ் பாரம்பரிய முறைப்படி இன்று திருமணம் நடைபெற்றது. 

மணமகன் ஹரி கிருஷ்ணன் திருச்சி ஶ்ரீரங்கம் பகுதியை பூர்வமாக கொண்ட குடும்பத்தை சேர்ந்தவர். இவர் அமெரிக்காவில் உள்ள ஐடி நிறுவனத்தில் மென்பொருள் பொறியாளராக பணியாற்றி வருகிறார். அப்போது அமெரிக்க நாட்டை சேர்ந்த சனம் என்பவருடன் காதல் ஏற்பட்டு திருமணம் செய்ய முடிவு செய்யப்பட்டது. 

அதன்படி இன்று திருச்சியில் உள்ள தனியார் திருமண மண்டபத்தில் தமிழ் முறைப்படி. அவனது குடும்ப உறவினர் நல்ல சேகர் தலைமையில் இருவருக்கும் திருமணம் நடைபெற்றது. இந்த நிகழ்வில் மணப்பெண் குடும்பத்தை சேர்ந்த உறுப்பினர்கள் மற்றும் நண்பர்கள் அமெரிக்காவில் இருந்து வந்து கலந்து கொண்டனர்.

முன்னதாக மணப்பெண் மணமகன் ஊர்வலம் தமிழ்நாட்டு முறைப்படியும் செண்டை மேளம் முழங்க பேண்ட் வாத்தியம் இசைக்க குதிரை வண்டியில் (சாரட் வண்டி)வைத்து ஊர்வலமாக திருமண மண்டபத்திற்கு அழைத்துவரப்பட்டனர்

இந்த திருமணத்தில் கலந்து கொண்ட மெக்சிகோவை சேர்ந்த மணப்பெண்ணின் உறவினர் டேனியல் மைக்கேல் ஆந்திரியா தம்பதியினர் கூறுகையில்....

இந்த திருமண விழாவில் கலந்து கொள்வதற்காக அமெரிக்காவில் உள்ள மெக்சிகோவில் இருந்து நாங்கள் வந்துள்ளோம். தமிழ் பாரம்பரிய முறைப்படி நடைபெற்ற இந்த திருமண விழாவில் கலந்து கொண்டது மிகுந்த மகிழ்ச்சியை அளிக்கிறது. மணமக்கள் மகிழ்ச்சியுடன் வாழ வாழ்த்துக்கள் என தெரிவித்தனர்.

இது குறித்து குடும்ப உறவினர் நல்ல சேகர் கூறுகையில்.... இளங்கோவன் குப்புசாமி இல்ல திருமண விழா வெகு சிறப்பாக நடைபெற்று வருகிறது. மணமகன் ஹரிகிருஷ்ணன் தந்தை இந்தியாவில் இருந்து அமெரிக்கா சென்று படித்து பட்டம் பெற்று அமெரிக்காவில் தொழிலதிபர் ஆகினார். Google நிறுவனத்தில் பணிபுரியும் ஆராய்ச்சியாளரின் மகளுக்கு தமிழ் முறைப்படி திருமணம் செய்து வைத்துள்ளார் .. இந்த காதல் திருமணம் மிகவும் சிறப்பாக நடைபெற்று வருகிறது. இந்த திருமணத்திற்கு வருகை புரிந்துள்ள மணமகன் ,மணமகள் அமெரிக்கா நாட்டை சேர்ந்தவர்களுக்கும் நண்பர்களுக்கும் பெரும் நன்றியை தெரிவித்துக் கொள்கிறேன் என  தெரிவித்தார்.

திருச்சி விஷன் செய்திகளை வாட்ஸ் அப் மூலம் அறிய...

https://chat.whatsapp.com/D2QYeuCTbUyCt93oWlOAgF

டெலிகிராம் மூலமும் அறிய.... https://t.me/trichyvision

https://www.threads.net/@trichy_vision