ஸ்ரீரங்கம் அரசினர் பாலிடெக்னிக் கல்லூரியில் பயில விண்ணப்பிக்க ஜூலை 19 கடைசி தேதி

திருச்சி மாவட்டம், ஸ்ரீரங்கம் அரசினர் பாலிடெக்னிக் கல்லூரி, ஒவ்வொரு பாடப்பிரிவிலும் தலா 60 மாணவர்கள் வீதம் 5 பாடப்பிரிவுகளில் ( அமைப்பியல், இயந்திரவியல், மின்னியல் மற்றும் மின்னணுவியல். மின்னணுவியல் மற்றும் தொடர்பியல், கணினி அறிவியல்) மொத்தம் 300 இடங்கள் உள்ளன. 2021-2022 ஆம் ஆண்டிற்கான கல்வி ஆண்டிற்கான முதலாமாண்டு மாணவர்கள் சேர்க்கை நடைபெற்று கொண்டு இருக்கிறது.

இக்கல்லூரியில்   விண்ணப்பிப்பதற்கான கடைசி தேதி மற்றும் இதனுடைய வழிமுறைகள் குறித்த தகவல்களை மாவட்ட ஆட்சித்தலைவர் சு.சிவராசு தெரிவித்துள்ளார். அவர் வெளியிட்டுள்ள அறிக்கையில், இக்கல்லூரியில் (Code no: 136) முதலாமாண்டு டிப்ளமோ படிப்பில் சேர விரும்பும் பத்தாம் வகுப்பு அல்லது அதற்கு இணையான கல்வித் தகுதியில் தேர்ச்சி பெற்ற மாணவ / மாணவியர் httap://www.tngaptc.in (or) httap://www.tngaptc.com என்ற இணையதளத்தில் 19-07-2021 வரை விண்ணப்பங்களை பதிவேற்றம் செய்யலாம்.

இதுவரை விண்ணப்பிக்காத மாணாக்கர்கள் இணையதள வாயிலாகவோ அல்லது இக்கல்லூரியில் செயல்படும் சேவை மையத்தில் (Tamilnadu Polytechnic Admission Facilitation Centre - TPAFC No.46) மூலமாகவோ விண்ணப்பிக்க வழிவகை செய்யப்பட்டுள்ளது.

கொரோனா வழிகாட்டு நெறிமுறைகளைப் பின்பற்றி செயல்படும் இச்சேவை மையத்தை உடன் அணுகி, அரசு பாலிடெக்னிக் கல்லூரியில் சேர விரும்பும் அனைத்து மாணவ, மாணவிகளும் பயனடையலாம்.

பதிவுக்கட்டணம் ரூ.150/-ஐ விண்ணப்பதாரர் Debit card / Credit card, Net Banking இணையதள வாயிலாக செலுத்தலாம். SC/ST பிரிவினர் பதிவுக்கட்டணம் செலுத்த வேண்டியதில்லை என்றும் தெரிவித்துள்ளார்.

திருச்சி_விஷன் செய்திகளை வாட்ஸ்அப் வழி அறிய:
https://chat.whatsapp.com/EOjjjDwQWZa8HOTrrk6ttd