முன்னாள் முதல்வர் பிறந்தநாளுக்கு ஸ்வீட் கொடுக்க அனுமதித்த தலைமை ஆசிரியர் ட்ரான்ஸ்பர்
மணப்பாறை அருகே அரசு நடுநிலை பள்ளியில் ஜெ.பிறந்தநாளை முன்னிட்டு மாணவர்களுக்கு இனிப்பு வழங்கிய அ.தி.மு.க பிரமுகர்.அனுமதி கொடுத்த உதவி தலைமையாசிரியரை ட்ரான்ஸ்பர் செய்து மாவட்ட கல்வி அலுவலர் நடவடிக்கை.திருச்சி மாவட்டம். மணப்பாறையை அடுத்த இடையப் பட்டியில் ஊராட்சி ஒன்றிய நடுநிலை பள்ளி ஒன்று செயல்பட்டு வருகிறது.
இப்பள்ளியில், நேற்று இதே பகுதியை சேர்ந்த அ.தி.மு.க ஒன்றிய செயலாளர் (ஓ.பி.எஸ் அணி) நேதாஜி என்பவர் பள்ளியில் முன்னாள் முதல்வர் ஜெயலலிதாவின் பிறந்தநாளை முன்னிட்டு ஆசிரியர்களின் அனுமதியை பெற்று பள்ளியின் வளாகத்தில் மாணவர்களுக்கு இனிப்புகள் வழங்கியுள்ளார். இது சம்பந்தமான வீடியோ வாட்ஸ் அப் உள்ளிட்ட சமூக வலைத்தளங்களில் வைரல் ஆனது. இதனையடுத்து,அரசு பள்ளி வளாகத்தில் நடந்த இந்த நிகழ்வைபார்த்து பலர் மாநில பள்ளி கல்வித்துறை அதிகாரிகளுக்கு புகார் அனுப்பியதாக கூறப்படுகிறது
இதனையடுத்து, திருச்சி மாவட்ட கல்வி அலுவலர் ரவிச்சந்திரன் உரிய நடவடிக்கை எடுக்க உததரவிட்டார். இதன் பேரில், மணப்பாறை வட்டார உதவி தொடக்கக் கல்வி அலுவலர் விசாரணை நடத்தி நிகழ்ச்சி நடந்த அன்று பணியில் இருந்த உதவி தலைமையாசிரியர் உள்பட 6 ஆசிரியர்கள் விளக்கம் அளிக்க நோட்டீஸ் அனுப்பினார். இதனையடுத்து, உதவி தலைமையாசிரியர் வற்புறுத்தியதால் தான் விழாவில், பங்கேற்றதாக 5 ஆசிரியர்கள் விளக்கமளித்தனர். இதனையடுத்து, உதவி தலைமை ஆசிரியை அமுதாவை ட்ரான்ஸ்பர் செய்து திருச்சி மாவட்ட கல்வி அலுவலர் ரவிச்சந்திரன் உத்தரவிட்டுள்ளது பரபரப்பை ஏற்படுத்தியுள்ளது.இந்நிலையில், இது சம்பந்தமாக பேசிய மாவட்ட கல்வி அலுவலர் ரவிச்சந்திரன், பள்ளி வளாகத்தில் இது போன்ற நிகழ்ச்சிகள் நடத்தியது தவறு. எனவே, அன்றைய தினம் பணியில் இருந்த ஆசிரியர்களிடம் உரிய விசாரணை நடத்த உத்தரவிட்டுள்ளேன். வட்டார கல்வி அலுவலரின் முழுஅறிக்கை கிடைத்த பின்பு கடும் நடவடிக்கை எடுக்கப்படும் என்றார்.
இந்த சம்பவமும், அதனைத் தொடர்ந்து கல்வி அதிகாரிகள் எடுத்து வரும் நடவடிக்கையும் ஆசிரியர்களிடையே பெரும் பரபரப்பை ஏற்படுத்தியுள்ளது.
திருச்சி விஷன் செய்திகளை whatsapp மூலம் அறிய
https://chat.whatsapp.com/D2QYeuCTbUyCt93oWlOAgF
திருச்சி விஷன் செய்திகளை telegram ஆப் மூலம் அறிய
https://www.threads.net/@trichy_vision
