திருச்சியில் 7, 8 தேதிகளில் போக்குவரத்து மாற்றம் காவல்துறை அறிவிப்பு

திருச்சியில் 7, 8 தேதிகளில்  போக்குவரத்து மாற்றம் காவல்துறை அறிவிப்பு

திருச்சி மாவட்ட காவல் கண்காணிப்பாளர் ராஜன் வெளியிட்டுள்ள செய்திக்குறிப்பில் 

சமயபுரம் மாரியம்மன் கோவில் பூச்சொரிதல் விழாவையொட்டி திருச்சியில் 7-ந் தேதி (ஞாயிற்றுக்கிழமை) காலை 8 மணி முதல் 8-ந் தேதி (திங்கட்கிழமை) பகல் 2 மணி வரை போக்குவரத்து மாற்றம் செய்யப்படுகிறது.

திருச்சியில் இருந்து சேலம் செல்லும் அனைத்து கனரக வாகனங்கள் மற்றும் புறநகர் பஸ்கள் குடமுருட்டி சோதனை சாவடி எண்-7, ஜீயபுரம், பெட்டவாய்த்தலை, குளித்தலை, முசிறி, தொட்டியம், நாமக்கல் வழியாக சென்று மீண்டும் அதே வழியில் திரும்பி வரவேண்டும்.

சேலம், நாமக்கல்லில் இருந்து திருச்சி நோக்கி வரும் அனைத்து கனரக வாகனங்கள் மற்றும் புறநகர் பஸ்கள் முசிறி கைகாட்டி அருகே திருப்பி விடப்பட்டு குளித்தலை, பெட்டவாய்த்தலை, ஜீயபுரம், குடமுருட்டி சோதனை சாவடி வழியாக திருச்சி வந்து சேர வேண்டும்.

திண்டுக்கல் தேசிய நெடுஞ்சாலை எண் 45-லிருந்து திருச்சி வழியாக சென்னை நோக்கி செல்லும் அனைத்து கனரக வாகனங்கள் மற்றும் புறநகர் பஸ்கள் மணப்பாறை ஆண்டவர் கோவில் சோதனை சாவடி அருகே திருப்பி விடப்பட்டு குளித்தலை, முசிறி பெரியார் பாலம், துறையூர், பெரம்பலூர் பைபாஸ் வழியாக செல்ல வேண்டும்.

சென்னை செல்லும் பஸ்கள்
மதுரை தேசிய நெடுஞ்சாலையில் இருந்து திருச்சி வழியாக சென்னை செல்லும் பஸ்கள் லஞ்சமேடு கைகாட்டி அருகே திருப்பி விடப்பட்டு மணப்பாறை, ஆண்டவர் கோவில் சோதனை சாவடி, குளித்தலை, முசிறி பெரியார் பாலம், துறையூர், பெரம்பலூர் பைபாஸ் வழியாக செல்ல வேண்டும்.

திருச்சி, தஞ்சை, புதுக்கோட்டை மார்க்கத்தில் இருந்து சென்னை செல்லும் அனைத்து கனரக வாகனங்கள் கொள்ளிடம் ஒய் ரோடு சந்திப்பு அருகே திருப்பி விடப்பட்டு கொள்ளிடம் ரவுண்டானா, நொச்சியம், மண்ணச்சநல்லூர், அய்யம்பாளையம், எதுமலை சந்திப்பு, திருப்பட்டூர் வளைவுரோடு, சிறுகனூர் சந்திப்பு மற்றும் சென்னை டிரங்க் ரோடு வழியாக செல்ல வேண்டும்.

சென்னையில் இருந்து திருச்சி நோக்கி வரும் அனைத்து கனரக வாகனங்கள் பெரம்பலூர் அருகே திருப்பி விடப்பட்டு அரியலூர், புள்ளம்பாடி, லால்குடி, கொள்ளிடம் ரவுண்டானா, கொள்ளிடம் புதுப்பாலம் வழியாக திருச்சி வந்து சேர வேண்டும்.

சென்னைரோட்டில் இருந்து திருச்சி வழியாக செல்லும் அனைத்து கனரக வாகனங்கள் தச்சங்குறிச்சி அருகே திருப்பிவிடப்பட்டு, குமுளூர், பூவாளூர் சந்திப்பு, லால்குடி சந்திப்பு, கொள்ளிடம் ரவுண்டானா, கொள்ளிடம் புதுப்பாலம் வழியாக திருச்சி வர வேண்டும் என அவர் கூறி உள்ளார்.

திருச்சி விஷன் செய்திகளை வாட்ஸ்அப் வழி அறிய!
https://chat.whatsapp.com/LQQVzK3j420HuvITMlwYIH